Lucas 8:47 - Tayta Diosninchi Isquirbichishan

⁴⁷ Chaura chay warmiga «Yatashäta musyashanami» nir sicsicyaycar Jesuspa ñaupanman gongurpaycuran. Nircur willaran imanir yatashantapis, imano jinan öra allchacashantapis.

Lucas 8:47 Referans Kwoze

Marcos 5:33

Chauraga chay warmi mancharisha sicsicyaycar Jesuspa ñaupanman gongurpacuycuran. Nircur willaran paypa röpanta yataycur allchacashantapis.

2 Corintios 7:15

Cananga paypis llapaniquita fiyupami cuyashunqui wiyacushayquipita, rispitar jamachishayquipita.

Hebreos 12:28

Noganchïpis Tayta Diosninchïpa maquincho cawaycarnaga manami sicsicyar ushacäshunnachu. Chaymi payta agradësicur llapan shongunchïwan adurashun. Pay nishantaga imaypis wiyacushun.

1 Corintios 2:3

Gamcuna cajman chayamorga ima rimapacuytapis manami sumaj camäpacurächu. Gamcunata manchacur sicsicyarämi.

Salmos 2:11

Fiyupa rispitashpayqui aduray Tayta Diosta.

Hechos 16:29

Niptin carsil täpäga «achquita sindiy» niran. Nircorga cörriypa yaycurcur Pablupawan Silaspa ñaupanman sicsicyaycar gongurpacuycuran.

1 Samuel 16:4

Chaura Samuelga ruraran Tayta Dios nishanno. Belenman chayaycuptin siudächo tiyaj auquincuna manchapayllapa tincoj aywaran «¿Allipächu shamushcanqui?» nir.

Habacuc 3:16

Llapan chaycunata wiyarmi mancharirä. Shimi wirpäcunapis sicsicyacäcuran. Chaquëcunapis mana awantashpan sicsicyacäcuran. Intëru cuerpömi gotucäcuran. Chayno caycaptinpis, mana yarpachacuypami shuyaräshaj conträ yaycamojcunata Tayta Dios castiganancama.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Salmos 38:9

Tayta Dios, imata munaycashallätapis gamga musyanquimi. Llaquicuycashäcunapis manami pacaranchu.

Filipenses 2:12

Cuyashä ermänucuna, chayno caycaptenga gamcunawan caycar yachachishäcunata wiyacushayquinölla canan carucho caycaptëpis mas wiyacamay. Salbashana cashayqui musyacänanpäga llapan shonguyquiwan Tayta Diosta manchapacur, rispitar caway-llapa.

Mateo 28:8

Chaura warmicunaga manchacasha caycashanpita fiyupa cushicur apurä cörriyllapa aywaran Jesuspa disïpuluncunata willaj.

Oseas 13:1

Efraín runacuna parlaptenga llapanmi manchacoj. Chaymi waquin caj Israel runacunaga rispitashpan upällacoj. Chayno caycashanpita Efraín runacunaga Baalta adurashpanmi fiyupa juchayoj ricacuran. Chaynöpami paycunaga ushacasha.

Oseas 5:3

Noga rejsëmi Efraín runacunata. Israelcunatapis rejsëmi. Efraín runacunaga jucmannami aywacusha. Chaynöpami Israelcunaga ganrayasha.

Salmos 66:16

¡Tayta Diosta manchacoj cäga llapaniqui shamuy! ¡Nogapaj imata rurashantapis willapäshayqui!

Lucas 8:46

Chayno niptin Jesús yapay niran: «Pipis yatamashami. Yatamajtaga munaynëwanmi allchacächishcä.»

Lucas 8:48

Chaura Jesús niran: «Rasunpa yäracamashayquipitami allchacashcanqui. Cananga cushisha aywacuy.»