Lucas 6:35 - Tayta Diosninchi Isquirbichishan

³⁵ «Gamcunaga chiquishojniquicunata cuyay. Paycunawanga alli cay. Ristarga ama yarpaychu cutichishunayquitaraj. Chayno alli goyashayquipitami Tayta Diosninchi sumaj alli ricashunquipaj. Munayniyoj Tayta Diosninchïpa wamran cashayquipis musyacangami. Payga llapan runatami cuyapan juchacho goyaptinpis, imata mana gocuptinpis.

Lucas 6:35 Referans Kwoze

Juan 13:35

Chayrämi runacuna musyanga rasunpa disïpulöcuna cashayquita.»

Proverbios 19:17

Pobrita yanapäga Tayta Diostami ristaycan. Chayno yanapashanpitaga quiquin Tayta Diosmi cutichenga.

Salmos 145:9

Tayta Diosga pï-maypäpis allimi. Ima rurashancunatapis cuyarmi rican.

Proverbios 22:9

Cuyapäcoj runaga bindisyuntami chasquenga pobricunata tarichishanpita, millgashanpita.

2 Corintios 8:9

Taytanchi Jesucristupis cuyapäcoj carmi janaj pachacho rïcu cayninta cachaycuran. Nircurmi cay pachaman shamur pobrinölla goyaran noganchïpis syëluman chayar Tayta Diospa ñaupancho rïcu cananchïpaj.

Salmos 112:5

Alli runaga pitapis macyaycunmi. «Ristamay» niptinpis ristaycunmi. Nigusyutapis mana engañaypami arun.

Juan 15:8

Noga munashäno cawashpayquimi rasunpa disïpulöcuna carcaycanqui. Chayno alli cawaptiqui Taytäga fiyupami cushicun. Chayrämi gamcunaga canquipaj übas alli wayojnöpis.

Salmos 37:26

Alli runacunaga imaypis cuyapäcunmi. Chaymi pitapis ristaycun. Wamrancunapis bindisyunyojmi canga.

Hechos 14:17

Ichanga manami cachaycamashcanchïchu. Payga imaypis cuyapaycämanchïmi. Chaymi tamyachimun micuyta alli shuntanapaj. Alli cawaytapis tarichimanchi cushisha cawanapaj.»

Lucas 1:32

Munayniyoj captinmi paypäga ‹munayniyoj Tayta Diospa wamran› nengapaj. Paytami unay caj famillyan Davidno ray cananpaj Tayta Dios churanga.

Marcos 5:7

Llapan callpanpa gaparaypa niran: «Munayniyoj Diospa Wamran Jesús ¿imatataj nogacunawan munanqui? Diospa jutinchömi gamta ruwacö: ama ñacachimaychu ari.»

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.

Mateo 5:9

«Cushishami cawanga runa-masinta amistachejcunaga. Paycunatami Tayta Diosga ‹wamrämi canqui› nenga.

Lucas 6:36

Tayta Diosninchi cuyapäshushayquino gamcunapis cuyapay pï-maytapis.

2 Timoteo 3:2

Chay wichan runacunaga cangapaj quiquillanpaj imatapis yarpaj, guellayllapaj wañoj, manacajcunapita alli-tucoj, Tayta Diospa contran rimaj, mamanta taytanta mana wiyacoj, mana agradësicoj, Tayta Diosninchïpa palabrantapis manacajman churaj,