Lucas 2:37 - Tayta Diosninchi Isquirbichishan

³⁷ Chaura biyüdalla cacuran. Payga pusaj chunca chuscu (84) watayojna caycaran. Payga pagasta junajtami Templucho ayunashpan Tayta Diosta mañacoj.

Lucas 2:37 Referans Kwoze

1 Timoteo 5:5

Famillyaynaj biyüdacunaga pïninpis mana captinmi Tayta Diosman yäracun, pagasta junajtapis payta mañacun.

Hechos 14:23

Chay wichanpa cutir chayashan marcacunacho ermänucunata ricananpaj mayurcunata churaran. Chaypitaga mañacurcur, ayunarcur yäracushan Tayta Diospa maquinman churaycuran.

Salmos 23:6

Cawashäcamaga imay-yajpis alli cashpayqui cuyaycämanquimi. Gam caycashayquichönami para-simri goyäshäpaj.

Salmos 27:4

Tayta Diostaga jucnayllapämi mañacushcä. Jucnayllatami munäpis. Tayta Dios caycashancho para-simri goyayllatami munä chaycho aduranäpaj, cuyayllapaj caycajta ricanäpaj.

Hechos 13:3

Chaura Tayta Diosta mañacarcärir, ayunarcärir Bernabëpawan Saulupa umanman maquincunata churarcur Tayta Diosta mañacuran willacur purinanpaj. Nircurnami paycunata despacharan.

Hechos 26:7

Chunca ishcay Israel trïbucunapis musyanmi Dios aunishanta cumlinanta. Chaymi chacaypa junajpapis mana yamacaypa Diosta sirbëcuna. Tayta Agripa, chay ‹aunishan cumlishana› nishalläpitami Israel runacuna dimandaycäman.

Salmos 22:2

Tayta Diosnillä, goyay-goyay mañacamuptëpis manami yanapämanquichu. Pagaspapis manami jamaytapis tarënachu.

Apocalipsis 7:15

Chaymi Tayta Diospa ñaupancho paycunaga carcaycan. Pagaspa junajpapis Templuncho alabaycan. Sillunnincho jamaraycaj Tayta Diosmi paycunataga imaypis cuydanga.

Apocalipsis 3:12

«Imano ñacarpis imaycamapis noga nishäta wiyacojcunaga templupa simintuncho rumicuna mana cuyucoj cashannömi canga. Paycunaga Tayta Diospa ñaupanchömi imaycamapis canga. Paycunamanmi isquirbishaj Tayta Diospa jutinta, janaj pachapita shamoj mushoj Jerusalenpa jutinta, quiquëpa mushoj jutëtapis.

Lucas 5:33

Chaypitanami Jesusta waquenga niran: «Bautisaj Juanpa disïpuluncunawan fariseucunapa disïpuluncunaga imaypis ayunan Tayta Diosta mañacunanpaj. Gampa disïpuluyquicunami ichanga micur upullar cacun.»

Salmos 84:10

Waranga watantin juc-lächo goyänäpa ruquenga mas alli canman juc junajllapis Wasiquicho goyaptëmi. Juchasapacunawan goyänäpa ruquenga mas alli canman Wasiquicho pichapacullarpis goyaptëmi.

Salmos 84:4

Templuyquicho tiyajcunaga cushisha goyächun. Paycunaga mana jamaypami alabashunquipaj. Selah

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!

Éxodo 38:8

Chaypita Bezaleelga ruraran juc paylata runsipita llapan jamanantinta. Chayta ruraran toldu puncucho aroj warmicunapa espëjuncunapita.

Salmos 92:13

Chay lantacunanömi Tayta Diospa Wasincho carcaycan allita ruraj runacunaga. Wasin Puncunchöpis carcaycan lantacuna waytajnörämi.