Lucas 18:32 - Tayta Diosninchi Isquirbichishan

³² Jäpa autoridäcunamanmi entregamanga. Chay runacunanami asipämanga, ashllir-ushamanga, togapar-ushamanga.

Lucas 18:32 Referans Kwoze

Lucas 23:11

Herodesnami suldäruncunawan Jesusta manacajman churar asiparan. Mandaj jatiränan röpata jatiparan. Nircorga Pilato cajman cutichiran.

Isaías 53:3

Runacunaga manacajman churaj; fiyupa jamurpaj. Payga fiyupa nanaywanmi ñacasha. Pipis manami ricäriyta munajchu. Manacajmanmi churaranchi. Paytaga manami cäsojchu canchi.

Isaías 50:6

Astimänanpäpis wajtäta camapashcämi. Shapräta achur-ushaptinpis manami rimacushcächu. Ashllircaycämaptin, togapaycämaptinpis cäräta manami chapacushcächu.

Hechos 3:13

Chaypa ruquenga Jesusman yäracuptinmi Tayta Dios allchacächisha. Jesustami unay awilunchïcuna Abraham, Isaac, Jacob yäracushan Tayta Dios alliman churasha. Gamcunaga Jesusta autoridäcunamanmi prësu entregarayqui. Pilato cachaycuyta munaptinpis manami munarayquichu.

Marcos 14:65

Waquenga togapar-usharan. Ñawinta bendarcur magaran «¡Mä willamay pï magashushayquitapis!» nir. Templucho caj suldärucunapis lagyar-usharan.

Mateo 26:67

Nircur Jesusta gagllanman togaparan, puñityaran. Wacpita-caypita lajyar-usharan.

Mateo 16:21

Chaypita-pachanami disïpuluncunata willaparan: «Jerusalenmanmi aywanä caycan. Chaychömi Israel mayur runacuna, mandaj cüracuna, lay yachachejcunapis fiyupa ñacachimar wañuchimanga. Wañuchimashanpita quimsa junajtaga cawarimushämi.»

Miqueas 5:1

Chaymi cananga Jerusalén runacuna chapacunayquipaj camaricuy. Gamcunamanga jäpa runacunami yaycamongapaj. Paycunami Israelcunapa mandajnintaga fiyupa magangapaj.

Isaías 52:14

Paypa cäran imano caycajtapis ricar achcajmi fiyupa manchacuran. Cäran caycaran mana camaraj. Manami runa-nirajnachu caran.

Hechos 2:23

Chayno caycaptinpis Tayta Dios camacächisha captinmi Jesusta prësu charircur fiyu runacunapa maquinman entregashcanqui crusificaypa wañuchinanpaj.

Juan 18:35

Pilato niran: «Nogaga manami Israel runachu cä. Gamtaga marca-masiquicunawan cüracunapa mandajnincunami prësu apachimushurayqui. ¿Imatataj rurashcanqui?»

Juan 18:30

Chayno tapuptin niran: «Mana allita rurasha captinmi cayman apamushcä. Man'chäga manami apamömanchu caran.»

Juan 18:22

Chayno niptin Templuta täpaj suldäruga Jesusta lagyaran «¿imanirtaj mandaj cürata chayno ninqui?» nir.

Lucas 23:35

Chaycho runacuna ricaparcaycaptin mandajcuna asipashpan Jesuspaj niran: «Juccunataga salbaranchaj. Tayta Dios cachamushan Cristo carga canan mä quiquin salbacuchun.»

Lucas 23:1

Chayno niptin llapan rabyasha jataricarcäriran. Nircur Jesusta aparan Pilatupa despächunman.

Mateo 27:2

Nircur sumaj liyashata apar gobernador Pilatuman entregaran.

Juan 18:28

Manaräpis pacha waraptin Caifaspa wasinpita Jesusta aparan Pilatupa despächunman. Payga Roma gobernadormi caran. Mandaj Israelcunaga gobernadorpa despächunman mana yaycuranchu «Mana Israel runapa wasinman yaycorga ganrami ricacushunpaj. Pascua fista micuytapis manami micushunpänachu» nir.

Marcos 15:1

Chaura pacha wararcuptinna mandaj cüracuna, Israel mayur runacuna, lay yachachejcuna, waquin autoridäcunapis parlacunanpaj shuntacaran. Parlacarcärerga Jesusta liyarcur Pilatuman apachiran.

Mateo 20:19

Chayno nirmi jäpa autoridäcunaman apachimanga. Chay runacunanami asipämanga. Fiyupa astichimanga. Crusificaypa wañuchimanga. Ichanga wañushäpita quimsa junajta cawarimushämi.»

Mateo 22:6

Waquin runacunashi mandajpa uywaynincunata magaycashallancho wañuchisha.

Lucas 18:33

Chayno rurarcur fiyupa astircärirmi wañuchimanga. Ichanga wañushäpita quimsa junajta cawarimushämi.»

Juan 18:32

Chayno niptinmi quiquin Jesús imano wañunanpäpis willacushan cumliran.