Lucas 12:20 - Tayta Diosninchi Isquirbichishan

²⁰ Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Lucas 12:20 Referans Kwoze

Jeremías 17:11

Engañayllapa rïcuyaj runaga caycan chacwa jucpa runtunta ogllajnömi. Mana yarpashapitami llapan riquësancuna cachayconga. Chaura ushanantaga pasaypa pobrimi ricaconga.

Job 27:8

Tayta Dios wañurachiptenga ¿imanaräshi canman fiyu runacunapäga?

1 Timoteo 6:7

Jinayllami yurishcanchi. Wañurpis jinayllami aywacushun.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

Lucas 11:40

¡Mana tantiyacoj fariseucuna! ¿Manachu musyanqui Tayta Dioslla janayquicunata rurar shonguyquicunatapis rurashanta?

Salmos 73:19

¡Illajpitami ushacanga paycunaga! ¡Fiyupa mancharirmi ushacanga!

Nahúm 1:10

Shiraca chaquir jiracasha caycajtanömi, chaquisha ogshata nina ushacurcojnömi usharenga.

Proverbios 28:8

Guellayninpa wawanta achcata cobraycällar rïcuyäga pobricunata yanapaj runacunallapämi shuntan.

Proverbios 11:4

Fisyu chayamushan junäga ima riquësanpis manami chapangachu. Juchaynaj limyumi ichanga wañuypitapis salbaconga.

Salmos 78:30

Chayraj cushisha micurcaycaptin, jinallaraj amurpaycaptinmi

Ester 5:11

Chayaptin paycunawan parlar willaparan ima-aycanpis cashanta, aypalla wamrancunapis cashanta, chayno waquin mandajcunapitaga mas munayniyoj cayman payta ray churashanta.

Salmos 49:10

Ricashanchïnöpis llapanmi wañun. Musyaj-yachajcunapis, upacunapis wañunmi. Llapan ima-aycanpis jucpänami quëdan.

Proverbios 10:2

Mana allicunata ruraypa rïcuyashanga manami dürangachu. Limyu mana yatapacoj cajcunami ichanga wañuypitapis salbacun.

Proverbios 13:7

Waquin runaga imanpis mana caycaptinmi rïcu-tucun. Waquinnami ima-aycayojpis caycar pobri-tucun.

Proverbios 27:1

Ama alli-tucuychu «Caytami wactami wara junaj rurashaj» nir. Manami musyanquirächu wara junaj imano cananpaj cashantapis.

Isaías 56:12

Paycunaga nin: «Upyananchïpaj bïnuta, machächicojcunata ashej aywashun. Canan rurashanchïno warapis rurashun. Capas masllaräpis rurashun.»

Amós 6:13

Gamcunaga manacajcunallapitami alabacuycanqui. Munayniyoj cashayquipitami alli-tucur puriycanqui.

1 Timoteo 6:17

Rïcu cajcunata ninqui rïcu carpis mana alli-tucunanpaj ni ima-aycanmanpis mana yäracunanpaj. Chay riquësanpis ni ima-aycanpis ushacajllami. Chaypa ruquenga yäracuchun Tayta Diosllaman. Paymi ima-aycatapis noganchïpaj cananpaj gomanchi, chaynöpana cushisha cawananchïpaj.