Lucas 1:79 - Tayta Diosninchi Isquirbichishan

⁷⁹ Chaura payga chacaj pachacho achicyacurcojnömi canga. Payga salbangami wañuyman chayananpaj caycajcunata. Chaynöpami allina goyänanchïpaj pushamäshunpaj.»

Lucas 1:79 Referans Kwoze

Isaías 9:2

Chacaycho puriycajcunami achicyajta ricärisha. Yanauyaycajcho tiyaycajcunapämi achicyacurcusha.

Mateo 4:16

Chacaycho tiyaycajcunami achicyajta ricärisha. Yanauyaycajcho tiyaycajcunapämi achicyacurcusha.»

Hechos 26:18

Nishäcunata willaptiquimi runacuna tantiyaconga. Chacaychöno cawananpa ruquenga achicyajchönöna cawanga. Satanaspa munaynincho cawashanpita Tayta Diospa maquinchöna cawanga. Nogaman yäracamashpanmi llapan juchanpita perdunasha canga. Chaynöpami Tayta Dios acrashancunawan iwal alli cawayta tarenga.›

Efesios 5:8

Gamcunapis unayga chacajcho caycajnömi juchata rurar goyarayqui. Cananmi ichanga Jesucristuta chasquicur achicyajllacho caycajno cawaycanqui. Jesucristuta chasquicushana caycarga waran-waran pay munashannöna caway.

Isaías 42:7

Churashayqui gapracunata allchacächinayquipaj, prësucunatapis carsilpita jorgunayquipaj, chacajchöno caycajcunatapis achquimanno jorgunayquipaj.

Juan 12:46

Nogaga achquimi cä. Cay pachaman shamushcä nogaman riguejcuna chacaychöno mana cawananpämi.

Juan 8:12

Chaypitaga runacunata Jesús niran: «Nogami cay pachacho caycaj runacunapäga achqui caycä. Chaymi nishäta wiyacojcunaga cawachicoj achquichöna goyanga. Manami chacaychönachu canga.»

Juan 9:5

Cay pachacho cashäcamaga runacunapaj achquimi caycä.»

Salmos 107:14

Paycunataga llaquisha caycajta jorguran. Jucta sirbir ñacarcaycajta salbaran.

Salmos 107:10

Waquenga paycuna llaquisha carcaycaran. Jucta sirbir goyarcaycaran. Manami camäpacuranchu imata ruraytapis ni mayman aywaytapis.

Isaías 49:9

Prësucunatapis ‹Llojshicuy› ninquipaj. Chacaycho caycajcunatapis ‹Achicyajmanna llojshiy› ninquipaj. Chaura chay runacunaga tiyangapaj may nänipa ñaupanchöpis, may chaqui jircachöpis uywa alli guewata micojnömi.

Juan 1:9

Chay achqui shamöga cay pachacho llapan runata Tayta Diospita tantiyachinanpämi shamuran.

Salmos 23:4

Gam, Tayta Dios yanapaycämaptiquega yanauyaycaj ragracunapa purirpis manami imapitapis manchacushächu. Manami imapitapis yarpachacushächu bastunniquiwan chapämänayquipaj cashanta musyaycashpäga.

Lucas 2:32

Payga achquinömi canga mana Israel runacunapäpis. Pay-raycumi acrashayqui Israelcunapis alli ricasha canga.»

Jeremías 2:6

Egiptupita jorgamusha caycaptë, chunyaj jircapa pushamusha caycaptë, fiyu chaqui jircapa, yacuynaj jircapa pushamusha caycaptë, pï-maypis mana tiyashan jircapa, pipis mana purinan jircapa pushamusha caycaptëpis paycunaga manami yarpachacuranchu noga munashäno cawananpaj.

Isaías 49:6

Paymi nimasha: «Manami sirbimajnë cashallayquiwanchu usharanga. Manami Jacobpita miraj cawaycar quëdaj Israelcunata cutichishallayquiwanchu usharanga. Chaypa ruquenga nogami camacächishaj nasyuncunapaj juc achquino canayquipaj. Chaynöpami camacächishaj mundu intërucho caycaj runacunaga gam-raycu salbasha cananpaj.»

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Romanos 3:17

Manami musyanchu imano alli goyay cashantapis.

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Isaías 59:8

Manami musyanchu alli goyay imano cashantapis. Paycuna rurashanga llapanpis mana allillami. Paycuna rurashanga llapanpis llutanllami. Paycuna goyashanno goyajcunaga alli goyayta manami tarinchu.

Isaías 48:22

Ichanga Tayta Dios nin: «Fiyucunapäga alli goyaypis manami canchu» nir.

Salmos 44:19

Chaypis gamga ñacachimashpayquimi imapis mana cashanman gargamashcanqui. Fiyupa yanauyaycaj chacaymanmi cachaycamashcanqui.

Salmos 25:12

Tayta Diosga payta rispitaj runata quiquinmi yachachin imano cawananpäpis.

Proverbios 3:17

Chay yachay nishannölla rurarga alli cushishami goyanga. Nishannölla goyarga cushisha goyaytami tarin.

Job 10:22

Chay pachaga caycan yana mancapa siquinno yanauyaycajmi, pasaypa mana allimi. Chaychöga manami achquipis canchu.»

Isaías 48:17

Gam Israelcunapa Santo Tayta Diosniquimi, salbashojniquimi cayno nin: «Nogami cä Tayta Diosniqui. Nogami yachachë gamcunapaj alli cajta. Nogami pushaycä munashä nänipa aywanayquipaj.

Proverbios 8:20

Nogaga llapantapis alli cajllatami camacächë. Alli cajta rurayllachömi goyä.

Job 3:5

¡Chay öraga imanöparaj fiyupa yanauyayparaj chacacurcunman caran! ¡Man'chäga yana pucutay chapacurcunman caran; man'chäga inti wañuptin llapan mancharinman caran!

Hechos 10:36

Tayta Diosga Israel runacunaman willacuyninta chayachiran. Chay alli willacuyninta Jesucristuwanmi willacachiran runacuna paywan allina cananpaj. Jesucristoga llapanpa mandajninmi caycan.