Levítico 18:3 - Tayta Diosninchi Isquirbichishan

³ «Egiptucho tiyar ricashayqui custumricunataga ama ruranquinachu. «Pushaycashä Canaanman chayarpis chay parti runacunapa custumrinta ama ruranquichu. Ni laynincunatapis ama wiyacunquichu.

Levítico 18:3 Referans Kwoze

Levítico 20:23

Chay nasyun runacunataga fiyupa juchata rurashanpitami gargushaj. Manami awantänachu. Gamcuna ichanga paycuna rurashanno ama ruraychu.

Éxodo 23:24

Chay runacuna ‹diosnë› nishantaga ama aduranquichu. Chaypa ruquenga ïduluncunata illgächinqui. Rispitashan wanca rumincunatapis agullargärinqui.

Ezequiel 23:8

Egiptucho caycällarnami pï-maywanpis cacuyta yachacuycuran. Chaytaga manami gongashanachu. Jipash cashanpita-pachami achcajwan cacusha. Chayno cashpanmi donsëlla cayninta pirdiycachir mañösa cayman ticrasha. Pï-maywanpis cacoj warmina ricacusha.

Romanos 12:2

Waquin runacuna shongun munashanta rurar cawashannöga amana cawaynachu. Chaypa ruquenga llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj. Chaynöpami tantiyanquipaj Tayta Diosninchi munashanno cawayga mas alli caway cashanta.

Salmos 106:35

Chaypa ruquenga Tayta Diosta mana rispitajcunawan majachacaran. Nircur chay runacunapa custumrinta yachacuran.

Deuteronomio 12:4

«Gamcuna Tayta Diosta adurarga chay runacuna diosnincunata adurashanno ama aduranquichu.

Deuteronomio 9:4

Chayno Tayta Dios gamcunapa ñaupayquipita llapanta gargusha captin cuydä yarpar: ‹Alli cashanchïpitami Tayta Diosga cay nasyunta goycamashcanchi› nir. Tayta Diosga gargonga chay runacuna juchasapa cashanpitami.

2 Reyes 17:8

Paycunapa ñaupanpita Tayta Dios gargushan nasyuncunacho tiyajcuna rurashanno ruraran. Israelpa raynincuna «cayno rurashun» nir yachachishan mana allicunatapis ruraran.

Deuteronomio 29:17

Ricaranchïmi mana sirbej guerupita rumipita guellaypita goripita rurasha ïdulucunata runacuna aduraycajta.