Lamentaciones 4:1 - Tayta Diosninchi Isquirbichishan

¹ Imanöshi Templucho caj aläjacuna intëru isquïnacho mashtarpaycan. Goripis chegrayacäcushami.

Lamentaciones 4:1 Referans Kwoze

Lamentaciones 2:19

Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Mateo 24:2

Niptin Jesús niran: «¿Caycunaga cuyayllapaj caycan au? Ichanga willashayqui. Imayllaga llapan ricaycashayqui ushacangapämi. Manami ni juc rumillapis canan pergaraycashannöga pergarangapänachu.»

Jeremías 52:13

Chayaycur rupaycachiran Templuta, palasyuta, siudächo caycaj wasicunata, mas rispitädu runacunapa wasincunatapis.

Isaías 14:12

«Pacha waray yagamoj Waraj imanöshi syëlupita shicwamushcanqui. Gamga achca nasyuncunatami binsirayqui. Cananga quiquiquitanami pampaman sajtashurayqui.

Marcos 13:2

Chaura Jesús niran: «¿Caycunaga cuyayllapaj caycan au? Ichanga willashayqui. Imayllaga llapan ricaycashayqui ushacangapämi. Manami ni juc rumillapis canan pergaraycashannöga pergarangapänachu.»

Ezequiel 22:18

«Runa, Israelcunaga nogapaj caycan cubripa, estañopa, fyërrupa, plömupa ganran chulluchicunacho quëdajnömi. Guellaypa ganran quëdaj mana bälejnömi caycan.

Miqueas 1:6

Chaypitami Tayta Diosga cayno nin: «Samaria siudä ushajpaj juchunanpämi camacächishaj. Übasta lantananpaj yapyasha caycaj chacranömi ricaconga. Chay siudäpa perga rumincunatapis guechwa ragrapami mashtarishaj. Chayno rurariptë simintuncuna cashanpis alayrimi quëdanga.