Lamentaciones 1:16 - Tayta Diosninchi Isquirbichishan

¹⁶ «Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Lamentaciones 1:16 Referans Kwoze

Lamentaciones 1:2

Chacaycuna fiyupa llaquicushpan icchushanyajmi wagaycan. Cärancunapapis yacunörämi weguin jutuycan. «Cuyämi» nir gatirajcunaga manami maygallanpis canchu shogananpaj. Llapan yanasancuna ticraparmi chiquicarcärisha.

Lamentaciones 2:18

Cuyayllapaj Sión, Tayta Dios yanapäshunayquipaj mañacuy. Chacaypa junajpapis weguiquega yacunöraj aywaypa aywachun. Mana chawaypa wagay.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Jeremías 14:17

«Jeremías, llaquicushpayqui runacunata cayno niy: « ‹Cuyashä runacunaman manchariypaj disigrasya chayashanpita weguëpis mana chawaypa aywachun. Malubrashan nanaywan fiyupa gaparpaptinmi weguëpis mana chawaypa aywachun.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Salmos 119:136

Yachachishayquicunata mana cumliptinmi nogaga fiyupa wagä.

Oseas 9:12

Yurejllan wamrancunata uywaptinpis nogaga ushajpämi guechurishaj. ¡Wawallau caycho caycaj runacuna! Noga witicuriptë mä imanöshi canga.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Jeremías 9:21

«Wasinchïcunaman wañuymi chayamusha. Palasyunchïcunamanpis chayasha. Wamranchïcunata cällicunacho wañuchin; mösucunatana läsacunacho.

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Eclesiastés 4:1

Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Salmos 69:20

Gayapämashpanmi shongötapis fiyupa jagayächisha. ¡Gänasnëpis ni callpäpis manami cannachu! Yangami ashishcä cushicachimänanpaj, cuyapämänanpäpis.

Jeremías 8:18

Llaquicuynëpäga manami ima jampipis canchu. Llaquicuyllawanmi shongöpis ushaycan.

Salmos 106:42

Chiquinacushancunaga fiyupa ñacachiran. Munaynincho chararashpanna pasaypa pengacachiran.

Isaías 54:11

Tayta Diosga Jerusalén siudäta nin: «¡Pasaypa llaquisha, ñacachisha caycaj, pipis shogashunayquipaj mana caj ricay! Nogami pergayquicunatapis camacächishaj cuyayllapaj ‹carbunclo› rumicunapa jananman. Chaura simintuyquipis ‹zafiro› rumipitami cuyayllapaj canga.

Jeremías 15:5

«Jerusalén runacuna, ¿piraj cuyapäshunqui? ¿Piraj llaquipäshunqui? ¿Piraj imano goyaycashayquipäpis yarpachaconga?