Jueces 5:22 - Tayta Diosninchi Isquirbichishan

²² «Sisarapa cawalluncunaga maquitapis chojparcur chojparcurmi gueshpir aywacusha. Shilluncunapis pututuyllami wiyacasha.

Jueces 5:22 Referans Kwoze

Miqueas 4:13

Tayta Diosga caynömi nin: «Sión runacuna, jatarcärir ërayna-llapa. Nogami yanapäshayqui fyërrupita wagrayoj, runsipita shilluyoj töruno fiyupa callpayoj canayquipaj. Chaynöpami achca nasyun runacunata lluchcar-ushanquipaj. Mana allita ruraypa tarishan cösancunatapis gamcunami guechunquipaj. Nircorga llapanpaj munayniyoj noga Tayta Diosniquitami goycamanquipaj.»

Jeremías 47:4

Filistea runacunata ushajpaj wañuchinanpaj caj junaj chayamushanami. Tiro runacunatawan Sidón runacunata yanapänanpäga manami canganachu. Paycunatapis usharishämi. Rasunpami ushacächishaj Lamar chaupin Creta tishgupita shamoj Filistea runacunataga.

Isaías 5:28

Lëchancunapis auja-puntami caycan. Lëchata jitacunanpis sumaj chutashami caycan. Cawalluncunapa shilluncunapis rumino chucrumi. Carrëtancunapa ruyrancunapis shucucuy wayra gachwarejnörämi tumarin.

Salmos 33:17

Cawallucunaga manami pitapis salbanmanchu. May-jina callpasapa carpis manami pitapis salbanmanchu.

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Job 39:19

«¿Gamchu callpayojyächishcanqui cawalluta? ¿Gamchu ajchantapis matancanpa wiñachishcanqui?

Jeremías 8:16

¡Contranchïcuna aywarcaycämunnami! ¡Cawalluncunapa jämayninpis Danpita-pachami wiyacaycämun! Cawalluncuna wagaptin llapan jircami sicsicyan. Paycunaga aywarcaycämun nasyuncho cajta illgächinanpämi. Siudätapis juchuchengami. Chaycho tiyajcunatapis wañuchengami.›

Jeremías 47:3

Cawallucuna cörriptin chaquincuna pagraraptin, carrëtacunapis tagraraptin, ruyrancuna aywashanpis wiyacaptin, papänincunaga wamrancunata cachariycärin llapanta gueshpichinanpaj callpan ni maquinpis mana aypaptin.

Ezequiel 27:14

Bet-togarma runacunana pägashoj-cashunqui cargapaj muntapaj cawallucunata, mülacunata.