Jueces 20:22 - Tayta Diosninchi Isquirbichishan

^22-24 Chaymi Israelcunaga Bet-elman aywaycur Tayta Diospa ñaupancho wagaran pacha chacänancama. Yapay Tayta Diosta tapuran wauguin Benjamín trïbu runacunaman pillyaj cutinanpaj mana cutinanpäpis. Chaura Tayta Diosga musyachiran yapay cutinanpaj. Chaymi yapay balurcharan cutinanpaj. Warannin cutishpanmi Benjamincunataga yapay shuyaran rimir junaj pillyashan cajllacho.

Jueces 20:22 Referans Kwoze

Salmos 64:5

Quiquin-purami parlacur shacyächinacun mana allita rurananpaj. Pitapis togllata churapänanpaj parlacun. Paycunaga yarpan pipis mana ricashantami,

2 Samuel 11:25

Chaura Davidga cachata niran: «Joab ama yarpachacuchunchu. Pillyaga chaynömi. Cananga mas rabyawanraj siudäman yaycuchun llapanta illgächinanpaj. Gampis Joabta shacyächiy.»

1 Samuel 30:6

Chaura Davidga fiyupa yarpachacuycaran. Yan'guincunaga fiyupa rabyasha caycaran wamrancunata apacushanpita. Chaymi Davidta sajmayta munaycaran. Davidmi ichanga Tayta Diosman yäracuran.

Jueces 20:17

Waquin Israelcunanami chuscu pachac waranga (400,000) pillyay yachajlla shuntacaran.

Jueces 20:15

Benjamín trïbu pillyapaj shuntacajcuna caran ishcay chunca sojta waranga (26,000). Chayga caran Gabaacho ganchis pachac (700) mejornin caycajta mana yupayllapa.

Jueces 20:21

Benjamín trïbu runacuna siudäpita aywar chay junäga waquin Israelcunata wañuycachiran ishcay chunca ishcay warangata (22,000).