Jueces 2:16 - Tayta Diosninchi Isquirbichishan

¹⁶ Chaypis quiquin Tayta Diosmi mandaj juezcunata churaparan. Chay mandaj juezcunanami suwapar ñacachejcunapita chaparan.

Jueces 2:16 Referans Kwoze

Hechos 13:20

Chaynöga caran chuscu pachac pichga chuncan (450) watacama. «Chaypitaga mandananpaj juezcunata churaparan, profëta Samuel cashan wichancama.

1 Samuel 12:11

Chaura Tayta Diosga chiquishoj runacunapa munayninpita salbashunayquipaj churaran Jerobaalta, Baracta, Jeftëta, nogatapis. Chaypitami allina goyarcaycanqui.

Nehemías 9:27

Chayno captinmi chiquejcunapa munayninman cachaycurayqui. Chauraga ñacachisha. Ñacar llaquicur-rämi yarpärishpan gamtaga mañacushurayqui yanapänayquipaj. Chaura gamna cuyapashpayqui syëlupita-pacha wiyamushcanqui. Ñacaycashanpita jorgamunanpaj acrashayqui runacunata cachashcanqui.

Jueces 3:15

Ñacar sirbishpanrämi paycunaga Tayta Diosta yarpärir mañacuran. Tayta Diosnami camacächiran juc runa salbananpaj. Chay runaga caran Benjamín famillya, Gera jutiyoj runapa wamran. Jutin caran Aod. Payga ichoj caj maquillanwanmi imatapis ruraj. Juc cuti Israelcunaga impuesto pägashanta Aodwan apachiran ray Eglonman.

Jueces 6:14

Chaura Tayta Diosga sumaj ricapärir niran: «Gammi Israelcunataga salbanqui. Chaypämi callpayoj canqui. Jananmanpis Nogami yanapäshayqui.»

Jueces 4:5

Deboraga imaypis jamaraj palma yörapa chaquincho. (Chaymi llapan rejsiran «Deborapa palma yöran» nir.) Chay yöraga caran Efraín trïbupa chacrancuna caj jircacho, Ramäwan Bet-el tincojcho. Chaura Israelcunaga paymanmi aywaj imapitapis arreglananpaj.

Jueces 10:1

Abimelec wañushanpita guepatanaga Isacar trïbupita Tola jutiyojna pillyaran Israelcunata salbananpaj. Payga caran Dodupa willcan, Fuapa wamran. Tolaga tiyaran Efraín parti altu chacracuna caycashan Samircho.

Rut 1:1

Israelcunapaga raynin mana caranrächu. Mandaj jueznincuna cashan wichanmi fiyupa muchuy caran. Chayno muchuy captin Elimelecga warmin Noemïwan y ishcan wamranwan aywacuran Moab nasyunman. Paycunaga Judächo caycaj Belenchömi tiyaran. Wamrancunapa jutin caran Mahlón; jucninpana Quelión. Paycunaga caran «Efrata» nishan Belén runacuna. Moab nasyunman chayaycärir chaycho tiyacuran.

Jueces 3:31

Aodpa guepantarämi caran juc mandaj juez Anatpa wamran Samgar. Paymi sojta pachac (600) Filistea runacunata wañuycachiran yuntata aruchicuna picallanwan. Samgarpis Israelcunataga jucpa munaynincho caycajtami salbaran.

Jueces 11:32

Chaypita Jeftëga Amón runacunapa chacranman yaycur Tayta Dios yanapaptin binsiran.

1 Samuel 14:48

Achca suldärucunata shuntaycur Amalec runacunatapis binsiran. Chaynömi Israelcunata salbaran maquichacuyta munaj runacunapita.

2 Samuel 7:11

Cuyashä Israel runacunata unay magaran churashä juezcuna mandashan wichanpita-pachami. Chaynöllami gamtapis yanapäshayqui llapan contrayquicuna achäquita mana ashipäshunayquipaj.