Jueces 16:21 - Tayta Diosninchi Isquirbichishan

²¹ Chaura Filistea runacunaga jinan öra prësu charircur ñawintapis jorguran. Gaza siudäman prësu aparan. Chaychönami watarächiran runsi cadinawan. Carsilcho mulinu tangaycho aruchiran.

Jueces 16:21 Referans Kwoze

Proverbios 2:19

Chay warmita gaticurcöga manami allimanga cutinnachu. Manami alli caminupa purinnachu.

Mateo 24:41

Ishcay warmi maraycho iwal agaycaptin jucajtami pushaconga; jucajta cachayconga.

Isaías 47:2

Maraycho tunaywanna machcata agay. Shucutaraycashayqui bëluyquitapis jorguriyna. Mayucunata päsanayquipaj falinniquita chegllayquicama jogariy. Chaynöpa chancayquicunapis alayri ricacanga.

Proverbios 14:14

Mana tantiyacojcunaga imanöpis rurashanpita pägunta chasquenga. Alli runapis alli cajcunata rurashanpita pägunta chasquengami.

Éxodo 11:5

Chaymi llapan Egiptucunapa guechpa caj wamran wañonga. Faraonpa guechpa caj wamranpita gallaycur asta maraycho agapacoj warmipa guechpa caj wamranpis wañonga. Llapan uywacunapa rimir caj wawanpis wañonga.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Salmos 149:8

Chaynöpami prësu chariycur fiyupa lasaj fyërru cadinacunawan watanqui raycunata, munayniyoj runacunata.

2 Crónicas 33:11

Chaypitami Tayta Diosga camacächiran Asiria raypa mandaj suldäruncuna shamunanpaj. Paycunami Manasesta prësu charircur runsi cadinacunawan watarcur Babiloniaman aparan.

2 Reyes 25:7

Chaymi quiquin Sedequías ricaycaptin wamrancunata cuchuypa wañuchichiran. Quiquin Sedequiaspatana ñawincunata jorgachiran. Nircur cadinawan watarcachir Babiloniaman prësu apachiran.

Números 16:14

Canancamapis manami chayachimashcanquirächu lëchipis mishquipis yacuno achca cashan nasyunmanga. Manami chacracunatapis ni übas chacratapis gomashcanquichu. ¿Imaycamataj chaynölla engañamanqui? Chaymi mana shamushäcunachu.»

Jueces 16:20

Gayacuran «¡Sansón Filistea runacuna charishunqui!» nir. Sansonga riccharaycamur yarparan imaypis salbacushannölla salbacuyta. Ichanga mana musyaranchu Tayta Dios manana yanapashanta.

Jueces 16:22

Ichanga chaycho caycaptillan ajchan yapay wiñaran.

Jeremías 39:7

Quiquin Sedequiaspatana ñawinta jorgachiran. Nircur Babiloniaman prësu apananpaj cadinawan watachiran.

Lamentaciones 5:13

Mas callpayoj caj runacunatami churasha mulinucho agaj rumita tangananpaj. Mösucunatanami yantata ashtachisha apaytapis mana puydishancama.