Jueces 14:18 - Tayta Diosninchi Isquirbichishan

¹⁸ Fista ushanan ganchis junajchöga inti manaraj yagaptin Filistea mösucuna Sansonta niran: «Abëjapa mishquinpitaga imapis mas manami mishquinnachu. Ni liyunpita mas callpayojpis manami canchu.» Sansonna paycunata niran: «Majä willashuptiquirämi musyashcanqui.»

Jueces 14:18 Referans Kwoze

Jueces 14:17

Warmenga Sansonta wagaparan waran-waran fista ushacänancama. Yaparir-yaparir tapuycaptillan fista ushanan ganchis junajchöga willaycuran ima ninan cashantapis. Willaycuptenga marca-masin mösucunata warmi willaycuran.

Jueces 14:19

Jinan öra Sansontaga Tayta Diospa Espiritun charicurcuran. Chaymi Ascalón siudäman aywarcur wañuchiran quimsa chunca (30) runata. Chaypa röpan guechushancunatana mösucunataga adibinashanpita pägaran. Nircorga warmin pashtapacushanpita fiyupa rabyasha papäninpa wasinman cuticuran.

2 Samuel 1:23

«Saultawan Jonatantaga runacuna amatarmi cuyaran. Paycunaga manami raquicashachu cawarpis ni wañurpis. ¡Ancacunapitapis masmi cörrej! ¡Liyuncunapitapis mas sinchimi caj!

Proverbios 30:30

Liyonga mas manchacuypaj animalmi. Imapitapis ni pipitapis manami gueshpinchu.

Salmos 81:16

Acrashä runacunaga allinnin rïgutami micunman caran. Jircacho cacoj mishquiwanrämi yacunaynintapis chawächëman caran.»

Ezequiel 1:10

Chay chuscu älayojcunapaga cärancuna caycaran caynömi: Ñaupaman ricaraj caj caycaran runapa cäranno. Derëchu caj-läman ricaraj cajna caycaran liyunpa cäranno. Ichoj caj-läman ricaraj cajna caycaran törupa cäranno. Guepa caj-läman ricaraj cajna caycaran ancapa cäranno.