Juan 6:56 - Tayta Diosninchi Isquirbichishan

⁵⁶ Cuerpöta micoj cajwanga yawarnëta upoj cajwanga jucnayllanömi imaypis caycäshaj.

Juan 6:56 Referans Kwoze

Juan 14:20

Cutimunä junaj gamcunami tantiyanquipaj Tayta Dioswan noga chaylla cashäta. Y gamcunawanpis chayllami cashunpaj.

1 Juan 3:24

Mandamintunta wiyacorga Dios munashannömi cawaycanchi. Paypis noganchïwanmi caycan. Chaytaga quiquin Tayta Diospa Espíritu Santunta chasquicusha carmi musyanchi.

Apocalipsis 3:20

Puncuyquipitami gayacaycämö. Mayganpis gayacushäta wiyar puncunta quichapämaptin yaycushaj y paywan micushaj y pay nogawan miconga.

Juan 14:23

Chaura Jesús niran: «Cuyamaj cäga llapan willapashätami wiyacun. Paytaga Taytäpis cuyanmi. Chaymi Taytäwan nogaga imaycamapis chaylla cashaj; imano cashätapis musyachishaj.

Salmos 91:9

Pacashunayquipämi Tayta Diosman gamga yäracushcanqui. Paymanmi yäracushcanqui imapitapis chapäshunayquipaj.

1 Juan 4:12

Tayta Diostaga manami pipis ricashachu. Chaypis jucninchi-jucninchi cuyanacushaga noganchïwanmi caycan. Noganchïwan carmi yanapaycämanchi pay cuyacoj cashanno noganchïpis cuyacoj cananchïpaj.

2 Corintios 6:16

¿Imanöpataj alli canman Tayta Diospa Templunman ïdulucunata jamachisha? Noganchëga caycanchi Tayta Diospa templunmi. Palabranchöpis quiquin Tayta Dios cayno nin: «Paycunachömi tiyashaj. Paycunawanmi purishaj. Paycunapa Diosninmi cashaj. Paycunanami acrashä runacuna canga.»

Efesios 3:17

Chaynöpami yäracuptiqui Jesucristo gamcunawan caycangapaj. Chaynöpis mañacö gamcunapa cuyacuyniqui jacha sumaj sapichasha cashanno, wasipa simintun sumaj pergasha cashanno cananpaj.

Lamentaciones 3:24

Shongullächöga në: «Nogapäga Tayta Diosllami llapanpitapis mas alli. Chaymi payllaman yäracö.»

Salmos 91:1

Janajcho caycaj Tayta Diospa maquincho goyaycaj runataga Munayniyoj Tayta Dios chapanga.

Salmos 90:1

Tayta Dios, unaypita-pachapis gamllami pacacunä cashcanqui.

Juan 6:55

Nogapa cuerpöga rasun caj micuymi, yawarnëpis rasun caj upunami.

1 Juan 2:24

Gallarinanpita-pacha wiyashayquicunata sumaj yarparay. Gallarinanpita-pacha wiyashayquita mana gongarga, gamcunapis goyarcaycanqui Tayta Dios munashanno y wamran munashannömi.