Juan 6:35 - Tayta Diosninchi Isquirbichishan

³⁵ Chaymi Jesús niran: «Nogami cä cawachicoj tantaga. Nogaman yäracamoj cäga manami imaypis yargangachu; nogaman riguej cäga imaypis manami yacunangachu.

Juan 6:35 Referans Kwoze

Apocalipsis 22:17

Espíritu Santupis Jesucristuta chasquicojcunapis «¡Juclla cutimuyna tayta!» niycan. Cay librucho isquirbiraycajcunata liguimushanta wiyajcunapis «Cutimuyna tayta» nichun. Yacunajcunaga shamuchun. Munajcunaga dibaldilla upuchun imaycamapis cawachicoj yacuta.

Juan 6:41

«Nogami janajpita shamoj tanta caycä» niptin mandaj Israelcunaga manacajman churar niran:

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Apocalipsis 7:16

Paycunaga manami imaypis yargangachu, yacunangachu. Intipis manami acangachu. Acaypis mananami yamacächengachu.

Juan 6:37

Taytä acrashan cäga nogamanmi shamonga. Nogaman shamoj cajtaga manami gargushächu.

Mateo 11:28

«Lasaj yüguta apar ñacaycajcuna yüguyquita cachaycuyna. Nogamanna shamuy. Nogaman shamuptiquega jamaytami tarichishayqui.

Lucas 6:25

«Ay imanöraj canqui sacsashana caycajcuna. Gamcunaga yargaychömi canquipaj. «Ay imanöraj canqui canan cushisha caycajcuna. Gamcunaga fiyupa llaquicurmi waganquipaj.

Juan 6:65

Chayno captinmi niran: «Chaymi nogaga nishcä: Taytä camacächiptinrämi pipis nogaman shamun.»

Juan 5:40

Willacushanta tantiyaycarpis chay cawayta tarinayquipäga manami nogata chasquicamanquichu.

Juan 4:15

Chaura warmiga niran: «Imaypis mana yacunänäpaj ni cay pösumanpis yacucoj manana cutimunäpaj chay yacuyquita goycamay ari, tayta.»