Juan 21:16 - Tayta Diosninchi Isquirbichishan

¹⁶ Jesús yapay tapuran: «Jonaspa wamran Simón, ¿gam cuyamanquichu?» nir. Chayno tapuptin Pedro niran: «Au tayta, gam musyanquimi cuyashäta.» Jesusna niran: «Uyshäcunata sumaj michiy.»

Juan 21:16 Referans Kwoze

Hechos 20:28

Gamcunaga jucha rurayman mana chayanayquipaj cuydacur llapan ermänucunata sumaj ricay. Gamcunataga Espíritu Santumi churasha-cashunqui runa uyshancunata sumaj ricashanno ermänucunata ricanayquipaj. Yäracojcunataga cruscho wañur yawarninpa chaninwanmi Tayta Jesús salbasha.

1 Pedro 5:2

Ermänucunata ricanayquipaj churashuptiquega sumaj ricay uysha michej uyshancunata ricashanno. Mana guellanaypa cushi-cushilla Dios munashanno ricay. Guellay-raycullaga ama ricaychu.

1 Pedro 2:25

Ñaupataga ogracasha uyshanömi cashcanqui. Cananmi ichanga cuyamajninchi Jesucristumanna cutishcanqui. Uyshancunata uysha michej alli ricashannömi payga imapitapis ricaycäshunqui.

Salmos 100:3

Paylla Tayta Dios cashanta musyay-llapa. Paymi ruramashcanchi. Noganchïpis paypami canchi. ¡Pay acrashanmi canchi, tajta pampancho uyshancuna caycajnöpis!

Salmos 95:7

Paymi Diosninchi. Noganchïnami canchi acrashan runacuna. Noganchëga caycanchi tajta pampacho caycaj uyshancunanömi. Tayta Dios nishanta canan wiyacuy-llapa. Paymi nin:

Hebreos 13:20

¡Alli cawayta gomajninchi Tayta Dios imaypis yanapaycushunqui pay munashanno cawanayquicunapaj! Tayta Diosga Jesucristutami wañushanpita cawarachimusha. Jesucristoga yawarninta jicharmi cruscho wañuran mushoj conträtuta rurananpaj. Chaymi cananga pay caycan alli michimajninchi. ¡Chaypita Tayta Dios noganchïcho buluntäninta rurachun! ¡Chayno cashanpita Jesucristoga imaycamapis alabasha caycullächun! Amén.

Juan 18:25

Chay öra Pedroga jinallaraj mashacuycaran. Chaycho mashacuycajta tapuran: «¿Gampis manachu chay runapa disïpulun canqui?» nir. Chaura Pedro niran: «Manami.»

Juan 18:17

Chaymi puncuta quichaj warmiga Pedruta tapuran: «¿Gampis manachu chay runapa disïpulun canqui?» nir. Chaura Pedro niran: «Manami.»

Lucas 19:10

Noga Destinädu Runaga shamushcä ogracasha caycajcunata ashejmi tariycur salbanäpaj.»

Mateo 26:72

Yapay ñïgar jurashpan niran: «Chay runataga manami rejsëchu.»

Mateo 25:32

Chay junäga may-chay nasyunpitapis llapan runacunatami anjilnëcunawan shuntachimushaj. Chayno shuntarcachimurnami raquishäpaj uyshëru uyshacunata cabracunapita raquishanno.

Mateo 2:6

« ‹Judächo caj marcacunapita mas tacsha Belén, gamchömi Israelcunapa raynin yurengapaj. Paypa munayninchömi llapan Israel runacuna cangapaj.› »

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

Apocalipsis 7:17

Tayta Diospa ñaupancho munayniyoj Cashni uyshami paycunataga uyshacunatano ricanga. Imaypis mana yacunänanpaj Paymi cawachicoj chuya yacuman pushanga. Tayta Diospa ñaupanchöga imaypis manami waganganachu.»

Juan 21:17

Quimsa cutipana Jesús tapuran: «Jonaspa wamran Simón ¿gam rasunpachu cuyamanqui?» nir. Quimsa cutipana tapuptin Pedroga fiyupa llaquicushpan niran: «Gamga llapantapis musyanquimi tayta. Cuyashäta musyanquimi.» Niptinmi Jesús niran: «Uyshäcunata sumaj ricay.