Juan 19:30 - Tayta Diosninchi Isquirbichishan

³⁰ Pochgoj bïnuta shogurcur Jesús niran: «Llapantanami cumlishcä.» Chayno nircur wañucäcuran.

Juan 19:30 Referans Kwoze

Juan 17:4

«Runacuna alabashunayquipämi llapan nimashayquicunata cay pachacho cumlishcä.

Filipenses 2:8

Tayta Dios munashanta rurarmi quiquin umildi ricacuran. Asta wañuymanpis chayaran. Cruscho wañuytapis manami pengacuranchu.

Hebreos 12:2

Tayta Diosman chayno yäracur cawananchïpäga Jesucristo imano cawashantapis ricacushun. Juchayoj runatano pengaypaj cruscho wañuchinanpaj cashanta musyarpis payga Tayta Dios munashannömi cawaran. Imano ñacarpis Tayta Dios munashanno cawaran syëlucho cushisha imaycamapis cawananpaj cashanta musyarmi. Cananga cawarircamur Tayta Diospa derëchu caj-lädunchönami mandananpaj jamaraycan.

Juan 10:11

«Nogaga caycä alli uyshërumi. Alli uyshëruga uyshancuna-raycumi wañuytapis tarin.

Daniel 9:24

«Ganchis chunca semänami camacächisha caycan nasyunniquipäwan rispitädu siudäniquipäga. Chaypitanaga jucha ruray manami canganachu. Mana alli ruraycunapis illganganami. Jucha rurashancunapitapis perdunashanami canga. Imaycamapis alli goyayllana canga. Suyñur ricashayquinömi llapan nishancuna cumlenga. Diospaj acrashanpis cangapaj fiyupa rispitäduna.

Lucas 23:46

Chay öra Jesús sinchipa niran: «¡Papä, gampa maquiquimanmi almäta cachaycö!» Chayno nircur wañucäcuran.

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Romanos 10:4

Chayno yarpaptinpis Jesucristo chayamushancamallami chay laycunata cumlinanchïpaj caran. Chayno caycaptenga manami chay laycunata cumlishanchïpitachu Tayta Diosninchi perdunamanchi, chaypa ruquenga Jesucristuman yäracushanchïpitami.

Juan 19:28

Chaypita Jesusga musyaranna llapanpis cumlishana cashanta. Chaymi Tayta Diospa palabrancho niycashan cumlinanpaj Jesusga «Yacunaycä» niran.

Marcos 15:37

Chaypita Jesusga callpaycur gaparar wañucäcuran.

Juan 10:18

Nogataga manami pipis wañuchimanchu. Chaypa ruquenga quiquë munarmi wañushaj. Quiquëpa munaynëchömi caycan wañuy. Chaynöllami cawarimushäpis. Chayno cananpämi Papänë nimasha.»

Juan 4:34

Chayno yarpashanta tantiyarmi Jesús niran: «Nogapa micuynëga caycan cachamaj munashanta ruraymi y cumliymi.

Mateo 20:28

Gamcunaga canquiman noga Destinädu Runano. Nogaga manami waquinno sirbisha canäpächu shamushcä. Chaypa ruquenga waquinta sirbejmi shamushcä. Wañuchimaptin bïdäwanmi pägashaj aypallata salbanäpaj.»

Mateo 27:50

Chaura Jesús yapay callpaycur gaparar wañucäcuran.

Isaías 53:12

Chaypitami paytaga Tayta Dios mas alliman churanga. Chaychöga munayniyojcunawan iwalmi alli cajta chasquengapaj. Chaynöga chasquengapaj wañushanpitami, juchayojcunano ñacashanpitami. Rasunpa payga aypalla runacunapa juchantami aparan. Juchayojcunapäpis ruwacur mañacusha.

Salmos 22:15

Shimëpis chaquicäcushami. Gallöpis watacäcushami. Wañushata-japuyna jitaraycajta cachaycamashcanqui.

Hebreos 9:22

Laychöga niycan imapis Tayta Diospa cananpäga yawarwan chajchusha cananpärämi. Yawarta jichayparämi runacuna jucha rurashanpitapis Tayta Diosninchi perdunan.

Romanos 3:25

Tayta Diosninchïmi camacächisha Jesucristo cruscho wañur yawarninta mashtayninpa perdunasha cananchïpaj. Jesucristuman yäracuptillanchïmi juchanchïcunata perdunamanchi. Chaynöpami Tayta Diosninchi alli ricamanchi. Manami nogallanchïtachu perdunamanchi, chaypa ruquenga unay runacunatapis Tayta Diosman yäracuptin perdunaranmi.

Mateo 3:15

Chayno niptin Jesús niran: «Cananga bautisamänayqui camacanmi. Chayno rurarmi Dios nishanta cumlishun.» Chayno niptin Jesusta Juan bautisaran.

1 Corintios 5:7

Chauraga gamcunapita jitariy ari chay lebadüra gamcunacho caycajta. Chaynöpami canqui mushoj mäsapita rurasha tantano. Rasunpaga gamcuna caycanqui Pascua fistacho micuna lebadüraynaj tantanömi. Pascuacho cashni wañushannömi noganchïpäga Jesucristo caycan. Noganchïpa juchanchïcunapita payga maynami wañusha.

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

Génesis 3:15

Warmiwanpis chiquinacachishayquimi. Paypita mirajwan gampita mirajpis chiquinacongapänami. Warmipita yurejtami talunnincho cañinquipaj. Paymi ichanga umayquipita ñitirishunquipaj.»

Daniel 9:26

Chay sojta chunca ishcay semäna päsarcuptenga acrasha caycaj mandajta wañuycärachengapämi. Manami pipis ruquin quëdangapächu. Chauraga juc-lä ray shamuptin suldäruncunami Jerusalén siudätawan Templuta illgächengapaj. Yacu jundejnöpis illajpitami ushacayga chayamongapaj. Chaynöllami guërrapis wañuchinacuypis caycanga imaycamapis nishan junaj chayamunancama.

Lucas 22:37

Tayta Diospa palabrancho nogapäga isquirbiraycan: ‹Paytaga juchayojcunatanömi wañuchenga› nir. Chay niycashannöllami manapis aycällatana rasunpa cumlenga.»