Juan 19:13 - Tayta Diosninchi Isquirbichishan

¹³ Chayno niptin Pilatoga Jesusta jorgachimuran. Nircur Pilatoga jusganan caj «Gabata» nishan alarman aywaycur sillunman jamacuran. (Hebreo rimaychöga Gabata ninan «läja rumicunawan läjasha» ninanmi caran.)

Juan 19:13 Referans Kwoze

Mateo 27:19

Arregluta ruranancho jamaraycaptin warmenga Pilatuta willachiran: «Chay runaga manami juchata aparicushachu. Paytaga ama imatapis ruraychu. Pay prësu captinmi canan chacayga fiyuta suyñupäcushcä.»

Hechos 4:19

Ollgöpaptin Pedruwan Juan niran: «Mä gamcuna nimay taytacuna. ¿Allichu canman Tayta Diosta wiyacunäpa ruquin gamcunata wiyacuptë?

Juan 19:8

Chayno nejta wiyaycur Pilatoga fiyupa manchariran.

Lucas 12:5

Chaypa ruquin Tayta Diosta manchapacunquega. Paymi ichanga munayniyoj caycan wañurcachishushpayqui infiernuman gaycushunayquipäpis. Chaypitami Paytaga manchapacunquiman.

Amós 4:7

«Chaynöpis nogami camacächirä, micuycuna pogunanpaj quimsa quilla pishiycaptillan usyacurcunanpaj. Nogami camacächirä waquin siudächo tamyananpaj, waquin siudächöna mana tamyananpaj. Waquin chacramanga tamyaran. Mana tamyashan caj partichönami micuycuna chaquiran.

Isaías 57:11

«¿Pita manchacushpayquitaj nogata engañamashcanqui? ¿Pita rispitashpayquitaj nogata gongaycamashcanqui? ¿Unaypita-pacha mana rimacuptëchu gamcunaga mana rispitamanquichu?

Eclesiastés 5:8

Juc nasyuncho pobri fiyupa ñacaycajta ricar, mana alli goyay cajta ricar ama manchariychu, ama almiraychu. Chaynöga caycan mandajcunata mas jatun mandaj chapaptinmi. Mas mandajcunatapis mas mandaj cajcunarämi chapaycan.

Proverbios 29:25

Runacunata manchacorga ima mana allimanpis chayanmi. Tayta Diosman yäracojcunatami ichanga imapis mana chayanchu.

Juan 5:2

Jerusalenman yaycunacho «Uysha llojshinan» jutiyoj puncumi caycan. Chay ñaupanchömi caycan jatun pösu. Hebreo rimaychöga chay pösupa jutin Betesda. Chay pösupa ñaupanchöga caycaran pichga alarcuna.

Jeremías 38:19

Chaura Sedequías niran: «Babiloniacunaman guellicoj Judá runacunatami manchacö. Babiloniacunapa maquincho captë chay guellicojcunaga magar-ushamangami.»

Juan 19:17

Chaypita Jesustaga crusta matancaparcur aparan «Calabëra puytush löma» nishanman. (Calabëra nishanta hebreo rimaychöga Gólgota ninmi.)

Juan 19:20

Jerusalenpa sercallancho crusificasha captinmi Israelcunaga achcaj liguiran chay isquirbiraycaj letrëruta. Chay isquirbiraycäga caycaran hebreo, latín, griego rimaycunachömi.