Juan 18:20 - Tayta Diosninchi Isquirbichishan

²⁰ Jesús niran: «Nogaga manami imatapis pacayllapa yachachishcächu. Sinagogacunacho, Templucho yachachiptë llapan runacunami wiyamasha.

Juan 18:20 Referans Kwoze

Juan 7:26

Cananga llapanpa ñaupancho yachachiptinpis manami pipis rimapanchu. ¿Tayta Dios cachamushan Cristo cashantachuraj mandaj Israelcunapis tantiyacusha?

Mateo 4:23

Chaypitaga intëru Galilea probinsyapa Jesús puriran sinagogacunacho Tayta Diospa willacuyninta yachachir. Tucuy gueshyawan gueshyajcunatapis allchacächiran.

Isaías 48:16

Witimuy-llapa nishäta wiyanayquipaj. Gallarinanpita-pachapis nogaga manami imaypis pacayllapaga parlashcächu. Ima captinpis nogaga chaychömi caycarä.» Cananga Tayta Diosmi espiritunta nogaman churarcur cachamasha.

Lucas 21:37

Templucho Jesús junajpa yacharcachir chacaypana aywacoj Olivos lömaman chaycho pachacunanpaj.

Juan 7:4

Pï-maypitapis rejsisha cayta munarga manami pacayllapachu imatapis ruranchi. Imatapis ruraycashpayquega llapanpa ñaupancho ruray.»

Lucas 4:15

Sinagogacunacho yachachiptinmi runacunaga almirashpan parlaj: «Payga alli yachachicojmi» nir.

Mateo 26:55

Chayno nircurna runacunata Jesús niran: «¿Suwachu cä, sabliquicunawan garutiquicunawan prësu charimaj shamunayquicunapäga? Waran-waran Templucho yachachir jamaraj cä. Chayno caycaptëpis manami charimarayquichu.

Mateo 9:35

Jesusga intëru marcacunapa purej. Sinagogacunachöpis Tayta Diospa willacuyninta willacoj. Tucuy gueshyawan gueshyajcunatapis allchacächej.

Isaías 45:19

Noga manami pacayllapaga parlächu. Ni chacaj pachacunachöpis manami parlächu. Jacobpita mirajcunata nogaga manami nishcächu: ‹Imapis mana cashancunacho ashimay› nir. Noga Tayta Diosga rasun cajllatami parlä. Alli cajllatami musyachë.

Juan 8:26

Gamcuna juchayoj cashayquita jusganäpäga achcarämi caycan. Nogaga cachamaj Taytä nimashannöllami gamcunata willapaycä. Pay nimashancunaga llapanpis rasun cajllami caycan.»

Juan 8:2

Chaypita warannin tuta Templupa sawanninman Jesús cutiptin pay cajman runacuna shuntacaran. Chaura Jesusga yachachiran.

Juan 7:28

Jesusga Templupa sawannincho yachaycächishancho wiyaran chayno parlarcaycajta. Chaymi sinchipa niran: «Achyä, gamcunaga rejsimanquichari; maypita cashätapis musyanquichari. Ichanga noga manami quiquëpa munaylläpitachu shamushcä. Chaypa ruquenga Tayta Dios cachamaptinmi shamushcä. Paytaga gamcuna manami rejsinquichu.

Juan 7:14

Fista pullanchöna caycaptin Jesusga Templupa sawanninman yaycuran. Chaychöna yachachiyta gallaycuran.

Mateo 26:65

Niptin mas mandaj cüraga fiyupa rabyashpan sotänantapis rachir-ushar niran: «¡Cay runaga Tayta Diosninchïtami manacajman churaycan! ¿Imapänataj mas testïgucunatapis ashishun? Wiyashcanquicunami Dios-tucur parlashanta.

Hechos 26:26

Chaytaga ray Agripapis musyanmi. Chaymi mana manchacuypa parlamö. Noga musyämi llapan parlaycashäta pay musyashanta. Cay willacuycashäga manami pacayllapachu päsasha.

Mateo 24:26

Pipis ‹Tayta Dios cachamushan Cristo chunyajchömi caycan› nishuptiquipis ama ricaj aywaychu. ‹Wasi rurichömi caycan› nishuptiquipis ama riguinquichu.

Salmos 40:9

Acrashayqui runacunapa ñaupanchömi alli cashayquita willacushcä. Manami amucurcushcächu. Chaytaga gam musyaycanquimi.

Salmos 22:22

Gampämi runa-masïcunata willapäshaj. Shuntacashancunachömi alabashayqui.

Marcos 8:32

Chaytaga mana pacaypami niran. Chaura Pedroga shuyni pusharcur piñacuran.

Juan 6:59

Jesús chayno yachachiran Capernaumcho caycaj sinagogachömi.

Juan 18:21

¿Imanirtaj nogataga tapumanqui? Yachachishä runacunata tapuy. Paycunami musyan imata yachachishätapis. Mä paycuna willashunqui imata nishätapis.»