Juan 17:17 - Tayta Diosninchi Isquirbichishan

¹⁷ «Gam nishayquega rasun cajmi. Chaymi acrashayqui disïpulöcunata sumaj tantiyaycachiy munashayquinölla goyänanpaj.

Juan 17:17 Referans Kwoze

Juan 15:3

Gamcunaga willapashäta wiyacushayquipitami rämasha car limyuna carcaycanqui.

Salmos 119:160

Palabrayquega llapanpis rasun cajllami. Alli arriglaj cashayquega imaypis manami rucangachu.

Efesios 5:26

Chayno wañushpanmi bautismuwan y alli willacuyninwan inlisyapa juchancunata perdunasha payllapäna cananpaj.

Juan 17:19

Nogaga gam nishayquinöllami llapantapis wiyacur cumlishcä. Paycunapis chaynölla wiyacur cumlinantami munä.

Juan 8:32

Chaymi Tayta Diospita rasunpa cajta musyanquipaj. Chay rasunpa cäga jorgushunquipaj libri canayquipämi.»

Santiago 1:21

Chaymi mana alli ruraycunataga cachaycuyna. Chaypa ruquenga Tayta Diospa alli willacuyninta sumaj wiyacuy. Chayno wiyacojcunataga Tayta Diosmi salbanga.

2 Tesalonicenses 2:13

Ermänucuna, Tayta Diosnillanchïpaj cawanayquipaj Espíritu Santu acrashushayquipitami y Jesucristupa alli willacuyninman yäracushayquipitami Tayta Diosninchi salbashurayqui. Pay salbashunayquipäga unaynami gamcunata acrashurayqui. Chaypitami imaypis gamcunapaj Tayta Diosninchïta agradësicö.

Salmos 119:11

Gam aunimashayquitaga llapan shongöpa yarparaycä juchata mana ruranäpaj.

Efesios 4:21

Gamcunaga Jesucristupa alli willacuyninta wiyacushcanquimi. Chaynöpami pay munashanno alli cawayta yachacushcanqui.

Salmos 119:9

¿Imanöparaj mösuga juchata mana ruraypa cawanman? Gampa palabrayquita wiyacushpanmi juchata mana rurangachu.

Salmos 119:104

Willapämashayquicunata wiyacurmi yarpaysapayashcä. Chaymi fiyupa chiquë llutan ruraycunataga.

Salmos 12:6

Tayta Diosga aunishancunata cumlinmi. ¡Tayta Dios aunishancunaga caycan ganchis cuti chulluchiptin ganra ushajpaj llojshishan gorinömi!

Lucas 8:15

Waquin runacunapa shongonga alli allpanömi caycan. Paycunaga Tayta Diospa willacuyninta cushisha chasquicur Tayta Dios munashannömi cawan. Chaymi alli allpacho muru wiñarcamur fiyupa wayushanno caycan.

2 Samuel 7:28

Tayta Dios, gamga canqui Diosmi. Gamga rasun cajllatami ninqui. Nogatapis aunimashcanqui cuyapämänayquipämi.

2 Corintios 3:18

Chayno cawaptinchïmi ricamashpanchi runacunaga nenga: «Rasunpami Tayta Diospa maquinchöna cawaycan» nir. Paypa maquincho cawarga manchapacurmi cawashunpaj. Chaymi waran-waran Espíritu Santu yanapaycämanchi pay munashanno cawananchïpaj.

Hechos 15:9

Chaynöpami musyanchi Jesucristuman yäracoj cajtaga Israel runa captinpis mana Israel runa captinpis Tayta Dios perdunar salbashanta.

Lucas 8:11

«Chay tincuchiypa willapashäga cayno ninanmi caycan: Rïgu murunömi Tayta Diospa willacuynin caycan.

Juan 8:40

Rasun cajta Tayta Diospita wiyashäta willaptëmi gamcunaga wañuchiyta munarcaycämanqui. Abrahamga manami imaypis chayno rurashachu.

Salmos 119:144

Estatutuyquicunaga allimi. Sumaj tantiyaycachimay, allilla cawaycachimay ari.