Juan 15:7 - Tayta Diosninchi Isquirbichishan

⁷ «Mana cachaycuypa yäracamaptiqui, yachachishäcunata imaypis ruraptiquega llapan mañacamashayquitami tarinquipaj.

Juan 15:7 Referans Kwoze

Salmos 37:4

Cushishalla Tayta Diostaga sirbiy. Paymi llapan munashayquita tarichishunquipaj.

1 Juan 5:14

Noganchëga rasunpami Tayta Diosman yäracunchi. Chaymi Tayta Diosninchëga Pay munashanta mañacuptinchi wiyamanchi.

Juan 14:13

Nogapa jutëcho Taytäta mañacushayquitaga nogami camacächishaj. Chaynöpami noga-raycu Tayta Dios rispitasha canga.

1 Juan 3:22

Imata mañacushanchïtapis paymi tarichimäshun. Mandamintuncunata wiyacusha, munashanno rurashaga yanapämäshunmi.

Juan 15:16

«Manami gamcunachu nogata acramashcanqui. Chaypa ruquenga nogami gamcunataga acrarä maypa aywarpis übas alli wayushanno allita rurar cawanayquipaj. Chaymi jutëcho mañacuptiqui Taytäga yanapäshunquipaj.

Mateo 7:7

«Mañacuptiquega Tayta Dios tarichishunquimi. Asherga tarinquimi. Gayacur puncuta tacaptiquega quichapäshunquimi.

Juan 16:23

Chay örapitaga manami imatapis tapumanquipänachu. «Sumaj tantiyacuy-llapa. Nogaman yäracur jutëcho mañacuptiquega llapan mañacushayquitami Taytä tarichishunquipaj.

Gálatas 5:16

Chaymi në: Jucha rurayta yarpänayquipa ruquenga Espíritu Santu munashanno caway-llapa.

1 Juan 2:27

Jesucristo cachamushan Espíritu Santuga gamcunawanmi caycan. Chaymi pipis yachachishunayqui mana nistacanchu. Gamcunataga Espíritu Santumi rasun cajllata yachaycächishunqui. Manami imaypis llullapäshunquichu. Chaymi Espíritu Santu yachachishushayquino, Jesucristo munashannölla caway-llapa.

Jeremías 15:16

Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.

Proverbios 10:24

Fiyucunataga manchacushan cajrämi chayanga. Alli runacunami ichanga llapan yarpashanta tarenga.

Salmos 119:11

Gam aunimashayquitaga llapan shongöpa yarparaycä juchata mana ruranäpaj.

Isaías 58:8

Chauraga gamcuna canquipaj pacha waraptin achicyajnömi. Chayno captiquega allchacächishayquipänami. Allita rurashayquimi ñaupayquita aywajno canga. Nogapa munaynënami guepayquita shamojno canga.

Deuteronomio 6:6

«Gamcunata canan junaj willapashä laycunata imaypis mana gongaypa shonguyquicunacho yarparanqui.

1 Juan 2:14

Wamräno caycajcuna, gamcunamanga cartacaycämö Tayta Diosta rejsiptiquimi. Taytacuna, gamcunamanga cartacaycämö gallaycunanpita-pacha cashan Tayta Jesucristuta rejsishayquipitami. Jipashcuna mösucuna, gamcunamanga cartacaycämö callpayoj captiquimi, Tayta Dios munashanno cawaptiquimi, dyabluta ichipasha captiquimi.

Colosenses 3:16

Tayta Jesucristupa yachachicuyninta imaypis ama gongaychu ari. Chaymi willapänacur, tantiyachinacur jucniqui-jucniquipis shacyächinacunqui Tayta Dios yachayta goshushayquino. Agradësicur Tayta Diosninchïta alabanqui salmucunawan, imnucunawan, cörucunawan.

Proverbios 4:4

Papänëmi yachachimar willapämar cayno nimaj: «Llapan willapashäcunata umayquiman sumaj churacuy. Willapashäcunano rurarga allimi goyanquipaj.

Job 22:26

Paymi cushicachishunquipaj. Chauraga payllamannami yäracunquipäpis.

Juan 8:37

«Musyämi gamcuna Abrahampita mirar aywaj cashayquitaga. Chaura ¿imanirtaj willapashäcunataga mana riguinquichu? ¿Imanirtaj wañuchimayta munarcaycanqui?

Job 23:12

Paypa laynincunallatami, rimashancunallatami cumlishcä. Manami quiquë munashallätachu rurashcä.

Gálatas 4:2

Tacsha cashancamaga juc runallami uywan. Uywaj runalla imancunatapis rican papänin nishan junajcama. Chaypitarämi llapan partisyunninta goycun.

1 Reyes 3:5

Chaypita juc chacay Gabaoncho caycaptin suyñuynincho Salomonta Tayta Dios yuriparcur niran: «Munashayquita mañacamay. Mañacamashayquitaga goshayquimi.»

Juan 8:31

Jesusga payman yäracoj Israel runacunata niran: «Yachachishäcunata wiyacorga rasunpa disïpulöcunami canquipaj.