Juan 11:21 - Tayta Diosninchi Isquirbichishan

²¹ Tincur Martaga niran: «Tayta, gam caycho captiquega turë manami wañunmanchu caran.

Juan 11:21 Referans Kwoze

Juan 11:32

Jesús caycashan cajman chayaycur Mariaga ñaupanman gongurpaycur niran: «Tayta, gam caycho captiquega turë manami wañunmanchu caran.»

Mateo 9:18

Chayno Jesús parlaycaptinmi juc mandaj chayaran. Gongurpacuycurmi Jesusta niran: «Warmi wamrämi wañucäcusha tayta. Juclla aywaycushun. Maquiquita jananman churaptiquega cawarimongami» nir.

1 Reyes 17:18

Chaymi biyüdaga Eliasta niran: «Diosta sirbej, ¿imachötaj gamta rabyachishcä? ¿Gamga shamushcanqui juchäcunata yarpächimänayquipächu, wamräta wañuchinayquipächu?»

Juan 11:37

Waquinnami nircaycaran: «Gapra runatapis allchacaycächerga ¿manachuraj Lazarutapis allchacächinman caran mana wañunanpaj?»

Salmos 78:19

Tayta Diospa contran rimaran: «¿Diosga alli micuyta chunyajcho garamashwanchuraj?

Salmos 78:41

¡Achca cutimi Tayta Diostaga musyaparan! ¡Israelcunaga Santo Diosninta llaquicachiran!

Juan 11:2

(Mariami Jesuspa chaquinman perfümita wiñaparcur ajchanwan chaquichiparan.)

Juan 11:3

Lázaro pasaypa gueshyaycaptin pañincuna cachata Jesusman cacharan: «Cuyay amïguyqui Lazarumi fiyupa gueshyaycan, tayta» nir willananpaj.