Josué 23:4 - Tayta Diosninchi Isquirbichishan

⁴ Trïbunpa-trïbunpa chasquinayquipämi chay runacuna tiyashan particunata surtita jitaypa aypushcä. Manami shuntashanchi siudäcunallatachu aypushcä. Sinöga guechuypaj cajcunatapis Jordán mayupita gallaycur asta Mediterráneo lamarcamami aypushcä.

Josué 23:4 Referans Kwoze

Josué 18:10

Josuënami jinan Silullacho Tayta Diospa ñaupancho surtita jitaran cada partita maygan trïbutapis aypunanpaj.

Josué 13:2

Jinallarämi caycan Filistea runacuna tiyashan, Gesur runacuna tiyashanpis.

Éxodo 23:30

Gamcunapa ñaupayquipitaga wamrayquicuna miraynin-tupu wallca wallcallami gargushäpaj. Chaypitanaga llapan chacrancunawan gamcunanami duyñu quëdanquipaj.

Deuteronomio 12:29

«Gamcuna guechunayquipaj caycaj Canaán nasyunpitaga Tayta Dios ushajpämi runacunata gargonga. Gamcuna chaycho tiyarnaga

Jueces 2:21

Chaynöpami nogaga manana gargushänachu lädun marcacunacho tiyarcaycaj runacunata Josué mana gargushantaga.»

Salmos 78:55

Israelcunawan tacucänanpita quiquin Tayta Diosmi garguran payta mana rispitajcunataga. Nircur chacrataga raquiparan jircanpa-jircanpa cada trïbuta shuyni-cama. Chaychönami tolducunacho tiyachiran.

Salmos 105:11

Chaymi niran: «Canaán partitami goycushayquipaj gamcunapa partisyunniqui cananpaj.»

Sofonías 3:6

Tayta Dios caynömi nin: «Nasyuncunatami illgächishcä. Ricchacuna törricunatapis juchurgärachishcämi. Siudäcunapa cällincunatapis pasaypa chunyajtami cachaycushcä. Chaypaga manami runapis päsannachu. Cacharisha siudänincunachöga manami ni jucnayllapis tiyannachu.