Josué 21:45 - Tayta Diosninchi Isquirbichishan

⁴⁵ Israelcunata unay aunishantaga llapantami Tayta Dios cumliran. Juc shimilla imapaj nishantapis manami gongaranchu.

Josué 21:45 Referans Kwoze

1 Reyes 8:56

«Alabasha cachun Tayta Diosga acrashan Israelcunata alli cawachishanpita, alli goyayman churashanpita. Aunishanta cumlishami. Manami gongashachu Moiseswan unay parlashantaga.

Números 23:19

Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

1 Tesalonicenses 5:24

Acrashoj Tayta Diosga llapan nishancunata imaypis cumlinmi. Chaymi imaypis llapancho yanapämäshun.

1 Corintios 1:9

Tayta Diosninchëga nishancunata cumlengami. Paymi wamran Tayta Jesucristuwan iwal goyänanchïpaj acrashurayqui.

Hebreos 6:18

Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.

Tito 1:2

Chayno goyaptinchïmi imaycamapis alli cawayta tarichimäshun. Imaycamapis cawananchïpäga Tayta Diosninchi cay pachata manaraj camar unaynami niran. Nishancunataga imaypis Tayta Dios cumlinmi.

Isaías 48:3

Paymi cayno nin: «Unay imano cashantapis manaraj päsaptinmi willacachirä. Quiquëmi musyachirä. Illajpitami rurarä. Chauraga willacachishänöllami rasunpa llapanpis caran.

1 Samuel 3:19

Samuelga mastana jatunyaycaran. Tayta Dios yanaparan allicho cananpaj. Imata rurananpaj aunishancunatapis llapanta cumliran.

1 Reyes 8:15

niran: «Alabasha cachun noganchi Israelcunapa Tayta Diosninchëga. Papänë Davidta aunishanta cananga llapantami cumlisha. Paytaga niran:

1 Reyes 8:20

«Cananga Tayta Dios cumlishami aunishanta. Aunishannöllami nogaga papänë Davidpa ruquin Israelcunata mandar jamaraycä. Rurachishcä juc Templutapis Israelcunapa Tayta Diosninpaj.

1 Reyes 8:24

Papänë Davidta llapan aunishayquitami cananga cumlishcanqui. Papänëga allimi sirbishurayqui.

Nehemías 9:8

Gamga musyarayquimi Abraham gamman yäracamushanta. Chaymi paywan parlacur aunirayqui paypita mirajcunata goycunayquipaj Cananeo, Het, Amorreo, Ferez, Jebús, Gerges runacuna tiyaycashan chacrata. Cumlej carmi aunishayquitaga cumlishcanqui.