Josué 10:11 - Tayta Diosninchi Isquirbichishan

¹¹ Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Josué 10:11 Referans Kwoze

Isaías 28:2

Chay siudäpaj Tayta Diosga maynami acrasha caycächin callpayoj, munayniyoj runata. Chay runaga runtu tamyanöpis munayniyoj caycan; imatapis illgächej löcu wayranömi; löcu tamyaptin ima aycatapis lloglla apar illgächejnömi; aypalla yacu chayar ima-aycatapis ñiticurcojnömi. Chay runaga charircurmi pampaman sajtarenga.

Jueces 5:20

Goyllarcunapis Sisarapa contranmi pillyasha. Janaj pachapitami pillyamusha.

Apocalipsis 16:21

Syëlupitanami chuscu arröbano runtu tamya runacunapa jananman tamyamuran. Chay runtu tamyawan ñacar runacunaga Tayta Diospa contran fiyupa rimaran.

Apocalipsis 11:19

Chaymi syëlucho caycaj Templu quichacaptin ricarä chunca mandamintucuna churaraycashan babulta. Chay örami illguypis räyupis, runtu tamyapis fiyupa caran. Timlurpis fiyupa caran.

Ezequiel 13:11

Chaymi chay lajtajcunata niy, perga tunicäcunanpaj cashanta. Fiyupa löcu tamyami tamyanga. Runtu tamyami ruminöcuna shicwamonga. Löcu wayra wayrämurmi sajtarenga.

Isaías 30:30

Asiriata ushananpaj shamur Tayta Diosga fiyupa manchariypaj munayniyoj busnintami wiyacächenga. Rabyashpanmi fiyupa castigangapaj räyuwan, löcu tamyawan, runtuwanpis ima-aycatapis ushacurcoj ninawannöraj.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Génesis 19:24

Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Job 38:22

«¿Gam chayashcanquichu rashtawan runtu churaräcunan cajman?

Deuteronomio 20:4

Tayta Diosga gamcunatami yanapaycäshunqui. Contrayquicunawan quiquin pillyashpanmi salbashunquipaj.›

2 Samuel 18:8

Chaura pillyaga mashtacaran intërupana. Chay pillyachömi espädawan runacunata suldärucuna wañuchishanpitapis mas achca runacuna munticho ushacaran.

Job 38:23

Chaytaga churaraycächë llaquicuy captin, pillyacuna captin, guërracuna captin cachamunäpämi.

Salmos 147:17

Tayta Diosmi runtu tamyatapis gasapatano shicwachimun. Pay gasächiptinmi yacupis tinticäcun.

Isaías 28:21

Tayta Diosga Perazim jircacho rurashannömi illajpita usharenga. Gabaón guechwacho rurashannömi rabyawan usharenga. Runa tantiyayta mana atipashantami ruranga.