Joel 2:22 - Tayta Diosninchi Isquirbichishan

²² Jirca animalcuna ama manchacuychu. Cananpitaga guewacuna berdiypa berdengami. Yöracunapis wayonganami. Ïguspis übaspis aypallatami wayonga.

Joel 2:22 Referans Kwoze

Zacarías 8:12

Alli goyaynami paycunachöga cangapaj. Übascunapis wayonga. Allpachöpis micuycuna allimi wayonga. Tamyapis tamyamongami. Acrashä runacuna cawaycar quëdajcunapäga nogami camacächishäpaj chayno paycunapaj alli cananpaj.

Salmos 65:12

Chunyaj chaqui jircacho caj guewacunapis berdiypa berdiycanmi. Puntacunapis cuyayllapämi caycan.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Salmos 67:6

Chacrachöga allimi micuycuna wayusha. ¡Tayta Diosninchïmi bindisyunta gomashcanchi!

1 Corintios 3:7

Chauraga manami muroj cajchu ni pargoj cajpischu muruta wiñachimun. Chaypa ruquenga Tayta Diosninchïmi murushana caycajta wiñachimun.

Hageo 2:16

¿imanötaj caran? Pipis ishcay chunca (20) säcu micuyta shuntayta yarpaj. Cosëchachöga shuntaj chunca säcullatana. Pichga chunca (50) arröba bïnuta jorguyta yarpaj. Bïnuta rurashpanga jorgoj ishcay chunca (20) arröballatana.

Jonás 4:11

Chay manacaj calabäsallapaj llaquicurpis Ninivecho tiyajcunataga manami llaquipashcanquichu. Chay siudächöga caycan pachac ishcay chuncan waranga (120,000) runacunami. Paycunaga manami musyanchu alli mana alli cashantapis. Uywacunapis aypallami caycan. Chayno caycaptenga ¿manachu nogapis cuyapäman?» nir.

Ezequiel 36:35

Chaymi ricajcunaga nenga: «Cay chacraga chunyaj chaqui jircami caran. Cananga Edén wertano cuyayllapänami caycan. Illgächisha, juchuchisha, pirasyasha cashan siudäcunapis cananga runa tiyanannami caycan. Sumaj curalashanami caycan» nir.

Ezequiel 36:30

Chayno camacächishaj frütacunapis alli wayunanpaj, chacracunachöpis micuy alli wayunanpaj. Chaura gamcunataga yargay manana captin juc-lä nasyun runacuna mananami pengayman churashunquipänachu.

Ezequiel 36:8

«Gamcunami ichanga Israel jircacuna carcaycanquipaj jatusaj yöracuna juntasha. Jinachöpis wayuynincuna aypallami caycanga acrashä Israel runacuna micunanpaj. Israelcunaga cutimunanpänami carcaycan.

Salmos 36:6

Alli arriglaj cashayquega altunnin puntacunanömi. Imano cananpaj nishayquipis jatun lamarno rurimi. Tayta Dios, gammi ricaycanqui runacunata, animalcunatapis.

Génesis 4:12

Maycho aruptiquipis manami micuypis sumäga wayupäshunquipächu. May-chaypapis mushrincu puricullarmi cacunquipaj. Manami maychöpis jamayta tarinquipächu.»

Salmos 65:13

Intëru pampacunachömi uywacunapis juntasha caycan. Guechwa pampapanami rïgucuna juntaraycan. ¡Llapanmi cushicuypita cantashpan gaparpaycan!