Joel 2:21 - Tayta Diosninchi Isquirbichishan

²¹ «Cay pacha, fiyupa cushicuy. Ama manchacuychu. Nogaga fiyupa almiraypajcunatami ruraj-aywä.

Joel 2:21 Referans Kwoze

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Jeremías 33:3

«Mañacamay ari. Chaura yanapäshayquimi. Yachachishayqui fiyupa almiraypajcunatami, gam mana yachashayquicunatami.

Isaías 35:1

Chunyaj jircacunapis chaqui pachapis cushicuchun. Gala pampacuna cushicur berdiypa-berdir guewa wiñar waytachun.

1 Samuel 12:16

«Shuyaycäriy-llapa. Cananmi gamcuna ñawiquipa ricanquipaj Tayta Diosninchi almiraypajta rurashanta.

Zacarías 8:15

Cananmi ichanga yarpashcä Jerusalentawan Judäta allina yanapayta. Chaymi gamcunaga ama manchacuynachu.

Joel 2:20

Micuyta ushaj chüpacacuna jana caj-läpita aywamojtapis gamcunapitaga gargushämi. Chayno gargurmi jitarishäpaj chunyajman. Ñaupanta aywajcunatami shengaypa wañurachishaj Cachi lamarcho. Guepanta aywajcunatana shengachishaj Mediterráneo lamarcho. Wañur ismurmi fiyupa asyaricurenga. Chaynömi almiraypajcunata ruraj-aywä.

1 Samuel 12:24

Gamcunaga Tayta Diosllata rispitay. Payllatami mañacunquipis llapan shonguyquipa fiyupa rispitashpayqui. Ama gonganquichu yanapäshushayquita.

Deuteronomio 4:32

«Sumaj tantiyacuy-llapa. ¿Mayllachöga wiyashachuraj gamcunata parlapäshushayquino nina rataycajpita Tayta Dios parlapashanta, wiyaycarpis mana wañushanta? Unay wichan imano cashantapis tapucachay. Munducho cananpaj runata Tayta Dios rurashanpita-pacha imano cashantapis sumaj musyacachay. ¿Imayllaga cayno cashachuraj?

Salmos 98:8

Cushicuypita mayucunapis gaparpächun. Jircacunapis cushicuypita gaparpächun.

Génesis 15:1

Chaypita unayllataga Abramta Tayta Dios ribilar cayno niran: «Abram, ama manchacamaychu. Nogami gamtaga ima mana allicunapitapis chapaycä. Gamtaga ima-aycayquipis mas aypalla cananpämi yanapäshayqui.»

Oseas 2:21

Chay wichanga nogami syëlupita allpaman tamyachimushaj.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Isaías 55:12

Gamcunaga cushishami aywacunquipaj. Allillami cuticunquipaj. Gamcunata ricashushpayqui puntacunapis puytush lömacunapis cushicuypitami cantangapaj. Jircacunacho caj yöracunapis llapanmi macshongapaj.

Salmos 71:19

Tayta Dios, alli ruraj cashayquega chayan janaj syëlucamami. Gamga rurashcanqui almiraypajcunatami. ¡Manami pipis tincunchu gammanga!

Joel 2:26

Gamcunaga micusha upushami goyanquipaj. Chaymi noga Tayta Diosniquita alabamanquipaj. Chaynöga ruranquipaj fiyupa almiraypajcunata gamcunapaj rurashäpitami. Acrashä runacunaga mananami yapayga pengaycho cangapänachu.