Joel 2:11 - Tayta Diosninchi Isquirbichishan

¹¹ Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

Joel 2:11 Referans Kwoze

Malaquías 3:2

Pay chayamushan junäga ¿piraj awantanman? Chayno ¿piraj ichiraycanman paypa ñaupanchöga? Payga cangapaj lijyanömi chayacasha ganra caycajtano limyuyächimänanchïpaj. Payga fyërruta chulluchir limyuyächejnömi ruranga.

Nahúm 1:6

Pay fiyupa rabyasha caycashan öraga ¿piraj ichiraycanman? ¿Piraj awantanman rabyasha caycaptenga? Paypa rabyaynenga nina wapchacojnömi. Chaynöpis, paypa ñaupanchöga gagacunapis shillicäcunmi.

Apocalipsis 18:8

Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Apocalipsis 6:17

¡Llapan runacunata jusgananpaj caj timpu chayamushanami! ¡Tayta Diospa castïguntaga manami pipis awantangachu!»

Joel 3:16

Sión lömapita-pacha Tayta Dios gayacamonga. Jerusalenpita-pachami räyuno busninta wiyacächimonga. Syëluwan cay pachapis sicsicyangami. Acrashan Israel runacunatami ichanga Tayta Dios ima-aycapitapis washashpan chapanga.»

Jeremías 30:7

Chaynöga canga fiyupa manchariypaj junaj chayamunanpaj captinmi. Chay junajnöga manami imaypis canyasharächu. Chay wichan Jacobpita mirajcunapäga fiyupa llaquicuymi cangapaj. Ichanga paycunata noga salbashämi.

Salmos 46:6

Tayta Dios rimarcamuptenga intëru nasyun runacunami gaparpan, mandajnincunapis sicsicyan. Cay pachapis wac-läpa cay-läpami rachicäcun.

Amós 5:20

Au, rasunpami Tayta Dios shamunan junäga canga fiyupa chacay, mana achicyaj. Chayga canga fiyupa yanauyaycaj chacaymi, mana imapis ricacajmi.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Jeremías 50:34

Noga munayniyoj Tayta Diosmi Israelcunataga imapitapis jorgushaj. Nircur nasyunninchöga jaucami goyächishaj. Babilonia runacunatami ichanga fiyupa castigashaj.

Isaías 42:13

Tayta Diosga fiyupa callpasapa runanömi, fiyupa jinyu runanömi pillyanga. Guërracho pillyapaj gaparpashanno callpaycurmi gaparanga. Contrancunataga llapantami binsenga.

Isaías 13:4

Masqui wiyay. Aypalla runacuna shuntacasha cashanmi puntacunapita wiyacaycämun. Masqui wiyay. Achca nasyun runacuna shuntacaycur gaparashanmi wiyacaycämun. Munayniyoj Tayta Diosmi shuntaycan pillyaman aywananpaj camaricusha caycaj suldäruncunata.

Números 24:23

Chaypita mastapis imano cananpäpis cayno niran: «¡Ay Tayta! ¿Pinaraj tiyanga Tayta Dios chayno manchariypaj ruraycuptenga?

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Jeremías 25:30

«Jeremías, gam willay Noga imano ruranäpaj caycashätapis. Cayno willacunqui: «Tayta Diosmi syëlupita-pacha gayacamun. Janaj rispitädu sillunnincho jamaraycashanpita-pachami räyuno busninwan gayacamun. Acrashan runacunapa contranmi gayacamun. Übasta lluchcajcuna-jinami gayarämun cay pachacho tiyaj cajmanga llapan runacunaman.

Amós 5:18

¡Ay imanöraj canga, Tayta Dios shamunan junajta shuyarpaycajcuna! ¿Gamcunaga musyaycanquichu gamcunapaj imano chay junaj cananpaj cashantapis? Achicyaj cananpa ruquin chay junäga cangapaj yanauyaycaj chacaymi.

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Joel 2:25

«Päsaj watacunachöga cachamushä chüpacacuna micuyta ushashanpitami fiyupa ñacarayqui. Gamcunapataga ima-aycayquitapis chüpacacunami ushacurcuran. Chaycunaga llapanta illgächej suldärucunanömi usharan. Chayno ushashanpitami canan gamcunataga cutichishayqui.

Ezequiel 22:14

Ama yarpaychu imano rurashayquipitapis castigaptë ichipämänayquipaj cashantaga. Noga nishäga nishämi. Chaymi nishätaga cumlishaj.

Isaías 7:18

Chay wichanga Tayta Dios camacächengapaj Egipto runacuna chuspinöraj shamunanpaj, Asiria runacunapis abëjanöraj shamunanpaj.

1 Tesalonicenses 4:16

Syëlupita Tayta Jesucristo cutimushpanmi sinchipa gayacamonga, mandaj anjilpis gayacamonga y Tayta Diospa trompëtanta tucamushanpis wiyacämonga. Chay örami Jesucristuman yäracuycar wañojcuna rimëru cawarimonga.

Joel 1:6

Chüpacacunaga munayniyoj aypalla suldärucunanömi nasyunnëman juntacaycamusha. Chaycunapaga quiruncunapis agärancunapis liyuncunapanömi.

Joel 2:1

Sioncho trompëtata tucay-llapa. Tayta Dios acrashan rispitädu jircacho willacachiy musyananpaj. Judächo tiyaycajcunaga llapayqui manchariywan sicsicyay. Tayta Dios jusganan junäga chayaycämunnami.

Joel 2:2

Chay junäga canga yanauyaycaj chacaymi, pucutay juntashami, gontaynöraj chacashami. Pacha wararcuptin inti ratamur mashtarcojnömi puntacunapapis chüpacacunaga aypalla munayniyoj suldärucunano juntacuyconga. Chaynöga manami unay caranchu. Chaynöga manami ni imaypis canganachu.

Joel 3:14

Chay Jusgana Pampachöga aypallami shuntacasha carcaycan. Chaynöga shuntacasha carcaycan Tayta Dios jusganan junaj chayamunanpaj wallcana pishiptinmi.

Abdías 1:15

Imanömi juccunata rurashcanqui, chaynöllami gamcunatapis rurashunquipaj. «Shamur llapan nasyuncunata jusganä junajpäga wallcanami pishiycan.

Salmos 18:14

Lëchata jitajnöraj räyuchimusha. Chaura chiquimajcunataga machiypa-machir gueshpichiran.

Salmos 68:18

Tayta Dios, prësucunata apacurcurmi janajman aywacushcanqui. Runacunanami garayniquita apapämusha-cashunqui. Mana wiyacojcunapis garayniquita apapämushurayquimi. Chaynöpami Tayta Diosga paycunawan iwal tiyanga.