Joel 1:19 - Tayta Diosninchi Isquirbichishan

¹⁹ Tayta Dios, gammanmi gayacamö. Ninami rupar ushacurcusha chunyajcho caj jachacunata, jircacho caj guerucunatapis.

Joel 1:19 Referans Kwoze

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Amós 7:4

Tayta Dios ribilamashpan caynömi ricachimaran: Ricarä runacunata castigashpan Tayta Dios fiyupa acaj shanayta shanaycächimojta. Chay shanayga ushajpaj chaquirachiran pacha rurinpita pashtamoj yacutapis. Chayno chaquiycächiran chacracunacho caj jachacunatapis.

Miqueas 7:7

Nogami ichanga Tayta Diosllata shuyäcuycäshaj. Salbamaj Tayta Diosnilläman yäracushaj. Payga wiyamangami.

Lucas 18:7

Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?

Joel 2:3

Chaycunaga caycan nina llapanta ushacurcojnömi. Chaycunaga caycan nina rataycashanpita upiptin shanshallanna cawaycajnömi. Chaycuna manaraj chayamuptenga cay pacha caran cuyayllapämi. Aywacuptinnaga quëdasha chunyaj chaqui jircanömi. Chaycunapitaga manami imapis gueshpinchu.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Lucas 18:1

Tayta Diosta mana yamacaypa mañacunanpaj disïpuluncunata yachachir tincuchiypa Jesús yachachiran:

Jeremías 14:4

Mana tamyaptin fiyupa usyawan allpapis rachicäcusha. Chaymi runacunapis fiyupa llaquicur pengacushpan umancunata chapacarcärin.

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Jeremías 3:9

Mana pengacuypami rumicunata, jatusaj yöracunata rispitar adurasha. Chayno rurarmi nasyunnintaga pasaypa ganrachisha.

Jeremías 9:9

Chayno rurarcaycaptenga ¿imanirtaj mana castigämanchu? ¿Imanirtaj mana castigämanchu yapaycho chayno mana rurananpaj?» Chaynömi Tayta Dios nisha.