Joel 1:12 - Tayta Diosninchi Isquirbichishan

¹² Übascunapis chaquicäcushami. Ïguscunapis manami wayushachu. Granadacunapis, palmacunapis, mansänacunapis, jircacho caj yöracunapis ushajpämi chaquisha. Chaynöpami runacunapis mana cushicunnachu.

Joel 1:12 Referans Kwoze

Isaías 24:11

Bïnu muchuy captin runacunaga cällicunachöpis wagarcaycan. Mananami pipis cushicunnachu. Cushicuyga chay pachapita aywacusha.

Isaías 16:10

Chacracunachöpis mananami cushicur gaparpanganachu. Manami übas chacracunachöpis cantanganachu. Übastapis manami gapchenganachu bïnuta rurananpaj übas lluchcacunancho. Mananami cushicur gaparpanganachu.

Joel 1:16

Ricapaycaptinchïmi micuyninchïtapis ushacurcusha. Diosninchïpa Templuncho cushicuypis manami cannachu.

Joel 1:10

Chacracunapis gallpallanami caycan. Llapan chacrami llaquisha caycan. Rïgupis shuntananpaj manami cashanachu. Übas yöra chaquiptin bïnupis manami cannachu. Olivo yöracuna chaquiptin asëtipis manami cannachu.

Cantares 2:3

Munti chaupincho mansäna yöra wayuraycajnömi cuyaynëga waquin runacunapa chaupincho caycan. Llantuyninman jamaycorga fiyupami cushicö. Wayuyninpis fiyupa mishquejmi.

Hageo 2:19

Gamcunapaga canan manarämi pogunrächu übas, ïgus, granada, ni olivopis. Cananpitaga micuy churacunacho manami pishengapänachu ima micuypis. Nogapa bindisyunnëwanmi llapanpis alli cangapaj.»

Jeremías 48:33

Cananga mananami wiyacannachu Moab runacunapa chullpa chacrancunacho cushicuywan gaparpashanpis. Bïnupis manami cannachu churaräcunancunacho. Bïnupaj übasta lluchcajcunapis manami cannachu. Manami cushicuypitanachu gaparpaycanpis.

Jeremías 48:3

Horonaim siudäpita-pachami wiyacaycan ‹¡Ragällan, illgächishami siudäninchi caycan!› nir gaparpashan.

Isaías 9:3

Tayta Dios gammi achca runa cananpaj mirachishcanqui. Fiyupa cushicuy cananpäpis camacächishcanqui. Cosëcha wichan cushicushannöraj gampa ñaupayquicho llapan cushicun. Riquësacunata raquipänacur cushicushannörämi cushicun.

Cantares 4:13

Frütayoj wertanömi gamga canqui. Chay wertachömi caycan: mishquej granada,

Salmos 92:12

Alli runacunaga carcaycan cuyayllapaj palma yöra tucturaycajnörämi. Miranpis Libanucho sedru wiñamojnörämi.

Salmos 4:7

Aypalla rïguyojpitapis, aypalla bïnuyojpitapis masrämi gamga shongöta cushicachinqui.

Números 13:23

Ricapacojcuna chayaran yacu aywaycaj Escol ragracama. Chaycho juc rasïmu wayuyniyoj übasta muturan. Chay übastaga gueruman warcurcur ishcaj matancacarcärir aparan. Chaynöpis ricapacoj aywajcunaga pallaran ïgusta granadatapis.

Isaías 24:7

Übas yöracunatapis gueshyami charisha. Chaymi bïnupis mana cannachu. Ñaupata cushisha goyajcunapis llaquishanami carcaycan.

Jonás 4:7

Alli caycashanpita warannin tuta warämojpäga Tayta Dios camacächiran chay calabäsata juc curu cañiycunanpaj. Chaura chay calabäsaga chaquicäcuran.

Malaquías 3:11

Manami camacächishänachu micuyta ushaj curucuna micuyniquita ni übasniquitapis ushacurcunanpäga.