15 Llicanman charicuptinpis manami awantangachu. Pachcapa wasinman tucnacuptin ushacäcojno ricaconga.
Fiyu runapa wasenga äbipa gueshtanno alayrillami, chacracho täpana chucllanöllami.
Alli runataga ima rurashanpis allimi llojshipanga. Fiyu runami ichanga yanga shuyaranpis.
Chayta ricar fiyu runaga fiyupa rabyarmi chiquicurcun. Rabyawan quiruncunatapis uchongarämi. Fiyu runacuna yarpashanga manami camacangachu.
Chacrancunata quiquinpa jutinta churapasha captinpis, sepultürarämi mana ushacaj wasenga. Chaychörämi para-simriga goyanga.
Fiyu runataga wasincho alli goyäcuycajtami apacun. Nircorga manchacuypaj murtiwanmi tincuchin.
Chiquishojcunami ichanga pengaycho cangapaj. Fiyu runacunapa wasincunapis illgangami.»
Fiyu runacunapaga ima-ayca charashallanpis ushacangami. Alli runacunapami ichanga ima-aycanpis yapacanga.
Gamcunaga manacajcunallapitami alabacuycanqui. Munayniyoj cashayquipitami alli-tucur puriycanqui.
Munayniyoj Tayta Diosmi nin: ‹Nogami camacächishaj cay maldisyonga pï suwacojmanpis chayananpaj, chayno jutëcho jurashpan llullacojcunamanpis chayananpaj. Chay maldisyonga wasinpa tirantincunatapis, simintuncunatapis ushacächengami› nir.»