Job 7:5 - Tayta Diosninchi Isquirbichishan

⁵ Cuerpöcunacho curu juntashami caycan, gueri chucrushantin. Guerëpitapis pogrullami aywaycan.

Job 7:5 Referans Kwoze

Isaías 14:11

Cananga pï-maypita rispitasha cashayquipis ushacashanami. Cushicunanpaj tacsha arpacunatapis manami tucannachu. Caychöga cämayquipis canga ismushayquimi. Jacuyquipis canga curucunallanami.›

Job 17:14

Pampacunä uchcutanami ‹gammi canqui taytä› nishaj. Curucunatanami ‹gammi canqui mamä pañë› nishaj.

Hechos 12:23

Herodesga «Tayta Diosllata alabay» ninanpa ruquin quiquin munayniyoj-tucuran. Chaypitami jinan öra Tayta Diospa anjilnin gueshyawan castigaran. Chaynöpami curu ushaypa wañuran.

Ezequiel 20:43

Chaychörämi yarpärinquicunapaj juchata rurashayquita. Chayrämi quiquiquicunapis melananquipaj mana allita rurashayquicunapitaga.

Isaías 66:24

«Chayno shamushpanmi ricangapaj Nogapa conträ jatarejcunataga wañusha carcaycajta. Chay runacunata micoj curucunaga mana wañojmi. Rupaj ninapis mana imaypis upejmi. ¡Chayga llapan runacunapäpis fiyupa melanaypämi canga!»

Isaías 1:6

Chaqui-puntayquipita umayquicama manami sänuga canquinachu. Intëruyquipis gueri-guerillanami, goyuy-goyuyllami, däñashallami caycanqui. Manami pipis jampipäshurayquichu ni watapäshurayquipischu. Nanayniqui chawananpaj asëtiwan manami pipis churapäshurayquichu.

Job 24:20

Paycunataga mamanpis gongayconganami. Curucunanami micur ushacurconga. Pipis mananami yarpanganachu chay runataga. Gueruta wayra sajtarishannömi ushacanga.

Job 19:26

Ichic-ichiclla aychä ismur shicwaycaptinpis nogaga caway-ñawëpami Tayta Diosta ricashaj.

Job 9:31

Gamga asyaj mitumanmi jatirpamanquipaj. Chaura röpäpis melanäcamanganami.

Job 13:28

Imapis ismur ushacaycajnömi ushacaycä. Röpata puyu ushashannömi caycä.

Job 17:7

Nanächicuycaptillämi ñawëpis chacaycanna. Cuerpöpis llantuynöllanami ushacaycan.

Job 19:20

Pasaypa tullullannami ricacushcäpis. Cayno ñacaycarpis cawaycärämi.