Job 7:1 - Tayta Diosninchi Isquirbichishan

¹ «Cay pachacho runaga rätullami cawan. Arupacoj runa juc junaj arupacushannöllami goyan.

Job 7:1 Referans Kwoze

Salmos 39:4

«Tayta Dios, musyachimay imano ushacänäpaj cashantapis, imaycama cawanäpaj cashantapis. Musyachimay pöcu diyalla cawaj cashätapis.

Job 5:7

Ninapita chispa pintishanno, quiquin runami ñacananpäpis juchayoj.

Isaías 40:2

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»

Isaías 21:16

Tayta Dios cayno nimaran: «Piyun juc wata conträtuta ushashannöllami cananpita juc watataga Cedar munayniyoj cashanpis ushacanga.

Eclesiastés 8:8

Manami pipis duyñuchu bïdanwanga. Chaynöpami masta mana cawanchu. Chayno manami pipis musyanchu imanöpa ni imay wañunanpaj cashantapis. Wañuypitaga manami pipis gueshpinchu. Fiyucunatapis mana allita rurashancunaga manami salbangachu.

Deuteronomio 15:18

Uywayniquita libri cachaycushayquipita ama llaquicunquichu. Payga sojta watacho sirbishushpayqui arupasha-cashunqui arupacojta pägashayquipitaga mas barätullapämi. Tayta Dios nishanno uywayniquicunata cachariptiquega llapan arushayquimanmi bindisyunninta churamongapaj.

Levítico 25:50

Yupanga ayca watapis sirbishanta, Cachaycunan watapaj ayca wata pishishantapis. Cachaycunan watapaj ayca watapis pishishanpitami päganga. Arupashantaga piyunta pägashan iwalmi cuentata jorgonga.

Isaías 38:5

«Cutircur Ezequiasta willay. Unay awilun David sirbishan Tayta Diosmi mañacamashanta wiyashcä. Ricashcämi wagashantapis. Chaymi allchacächishaj. Chunca pichgan (15) watarämi cawanga.

Job 7:2

Rätulla goyan alläpa shanaptin uyway runa llantuta munajnöllami, arupacoj pägunta shuyarajnöllami.

Job 10:17

Nogapa conträ testïgucunaga manami pishinchu. Gam nogapäga mas masnami rabyaycanqui. ¡Suldärucunanömi jananman-jananman ñacaycächimanqui!

Job 14:1

«Runaga wallca watallami cawan. Fiyupa ñacallarmi goyan.

Isaías 16:14

Cananga Tayta Dios nin: «Piyun quimsa wata conträtuta ushashannöllami cananpita quimsa watataga Moab nasyunpa munayniyoj caynin ushacanga. Aypalla runacuna cashpanpis cawaycar quëdajcunaga cangapaj wallcallanami, munayniynajllana.»