Job 5:10 - Tayta Diosninchi Isquirbichishan

¹⁰ Paymi tamyachimun cay pachaman. Chay tamyami pargun intëru jircata.

Job 5:10 Referans Kwoze

Hechos 14:17

Ichanga manami cachaycamashcanchïchu. Payga imaypis cuyapaycämanchïmi. Chaymi tamyachimun micuyta alli shuntanapaj. Alli cawaytapis tarichimanchi cushisha cawanapaj.»

Jeremías 14:22

Juc dioscunaga manami mayganpis tamyata tamyachimunchu. Syëlupitapis quiquillanga manami tamyamunchu. Chaypa ruquenga gammi Tayta Dios tamyachimunqui. Ima-aycatapis gamllami camashcanqui. ¡Chaymi Tayta Dios gamllaman yäracaycämöcuna!

Jeremías 5:24

Manami yarpachacushcanquichu. Ni manami parlacushcanquipischu: ‹Tayta Diosninchïta rispitar manchacushun. Paymi micuyninchïcuna alli gueshpinanpaj tamyachimun rimir tamyata guepa tamyatapis. Micuyninchïcunata shuntananchïpäpis usyachipämanchi alli shuntapacunapaj› nir.

Salmos 147:8

Paymi syëlupapis pucutarächin. Cay pachaman tamyamunanpäpis tamyata camarin. Guewata wiñachin jircacunacho.

Amós 4:7

«Chaynöpis nogami camacächirä, micuycuna pogunanpaj quimsa quilla pishiycaptillan usyacurcunanpaj. Nogami camacächirä waquin siudächo tamyananpaj, waquin siudächöna mana tamyananpaj. Waquin chacramanga tamyaran. Mana tamyashan caj partichönami micuycuna chaquiran.

Jeremías 10:13

Räyuno busninwanmi syëlucho caycaj yacuta gaparächin. Pucutaytapis pampapita jatarachin. Tamyaycashan örami illguytapis achicyächin. Wayratapis wichgarächishanpitami gargaramun.

Job 36:28

Tamyaga pucutaycunapitami shicwaycämun. Nircur cay pachamanga achca yacu machiypana chayamun.

Job 28:26

Paymi nisha imay tamyapa timpun cananpäpis; räyucuna, illguycuna imay wichan cananpäpis.

Job 36:27

Paymi yacuta jutuy-jutuylla juc pachaman shuntacächin. Nircur tamyamanna ticrachin.

Job 37:6

Paymi nin rashta cay pachaman shicwamunanpaj. Chayno camacächin tamya fiyupa tamyananpäpis.

Salmos 68:9

Tayta Dios, gammi tamyata alli tamyachimurayqui. Acrashayqui chacrataga gammi allchacächirayqui.