Job 40:4 - Tayta Diosninchi Isquirbichishan

⁴ «¿Imataräshi nogaga nëman pasaypa manacajlla caycashpäga? Chaypa ruquenga upällallana cacushaj.

Job 40:4 Referans Kwoze

Proverbios 30:32

Mana tantiyacoj upa-jina mana allita ruranayquipaj yarpasha caycarga sumajraj yarpachacuy.

Job 29:9

Mas rispitädu runacunapis parlaycashanpita upällacaycärej. Maquinwan shiminta chapacarcärej.

Job 21:5

Wiyaycäramay. Wiyaycamarga mancharinquipämi. Imata nimaytapis manami camäpacunquipächu.

Job 42:6

Chaypitami cananga fiyupa pengacö. Chaymi arpinticö allpacho, uchpacho jamacushpä.»

Lucas 18:13

Impuesto cobraj runami ichanga pengacushpan carullacho ichiraycaran. Syëlumanpis mana ricäriyllapis ricärishachu. Chaypa ruquenga fiyupa llaquicur pëchunta tacacushpan mañacuran: ‹Cuyapaycallämay Tayta Dios. Nogaga fiyupa juchasapami cä› nir.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Esdras 9:6

nirä: «Tayta Diosnillä, Tayta Diosnillä fiyupami pengacuycä. Manami musyächu imano ruwacuytapis. Fiyupa mana allita rurashäcunaga maychicashi cacunpis. Juchata rurashäcunapis yamacächishunquinami.

Jueces 18:19

Chaura paycunana niran: «Upälla. Nogacunawan aywacushun cürä canayquipaj. Nogacunatana tantiyachimanqui willapämanqui. ¿Manachu mas alli canman juc runallapa cüran cashayquipitaga juc trïbu Israelcunapa cüran captiqui?»

Génesis 32:10

Cayno cuyapämänayquipaj, cayno alli ricamänayquipaj nogaga manami imatapis rurashcächu. Cay Jordán mayutaga bastunnë aptashallami päsarä. Cananga charashäcunata ishcay röpamanrämi raquishcä.

Génesis 18:27

Chauraga yapay Abraham niran: «Yapay tapuptë ama rabyacuycuychu ari Tayta. Gamga canqui Tayta Diosmi. Nogaga cä runallami.

1 Timoteo 1:15

Rasunpami Jesucristoga cay pachaman shamusha juchasapacunata salbananpaj. Ricay nogatapis Jesucristo perdunamasha llapan runacunapita mas juchayoj caycaptë.

Lucas 5:8

Aypalla pescäduta chariycur Simón Pedroga Jesuspa ñaupanman gongurpacuycur niran: «¡Nogaga juchasapa runami cä. Ñaupäpitaga aywacuy ari tayta!»

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Habacuc 2:20

Tayta Diosmi ichanga caycan santo Templuncho. ¡Paypa ñaupanmanga rispëtuwan upällalla yaycuy!»

Miqueas 7:16

Chaytaga waquin nasyuncunapis ricangami. Ricashpan fiyupa munayniyoj caycashpanpis pasaypa pengay-tucushami quëdanga. Äyacashami ricaconga. Imata ruraytapis manami camäpacongachu.

Daniel 9:7

Tayta Dios gamga llapantapis allimi jusganqui. Nogacunami ichanga fiyupa pengacusha carcaycä. Pengacushami carcaycä Judá runacuna, Jerusalencho tiyajcunapis, waquin caj Israelcunapis, carucho tiyaj sercacho tiyajpis, gam nishayquita mana wiyacushanpita juc-lä nasyuncunaman jitarishayqui cajcunapis.

Daniel 9:5

Nogacunaga juchatami rurashcä. Llutallantami rurashcäcuna. Gamta mana yarpashpämi goyashcäcuna. Mandamintuyquicunatapis, layniquicunatapis munashayquinöga manami rurashcäcunachu.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Isaías 53:6

Llapanchïmi uyshacunano ogracasha carcaycashcanchi. Cada-ünunchïmi quiquinchi munashanchïno goyäcushcanchi. Ichanga juchanchïcunapita paylla ñacananpämi Tayta Diosga camacächisha.

Salmos 39:9

Gam llapantapis camacächiptiquimi imatapis mana rimacurächu.

Job 31:37

Nogaga ima rurashäcunatapis Tayta Diostaga llapantami willashaj. Paypa ñaupanmanga alli mandajnömi chayashaj.

Job 16:21

Juc runa runa-masinpaj parlashanno pillapis Tayta Diospa ñaupancho nogapaj faburnë parlarcuchun.

Nehemías 9:33

Chaypis gamga alli cajtami rurashcanqui. Nogacunami ichanga juchata rurashcä.

Esdras 9:15

«Israelcunapa Tayta Diosnin, nogacunapäga fiyupa allimi cashcanqui. Chaymi camacächishcanqui canan caycashäcunano wallcajllapis cawanäpaj. Gampa ñaupayquichöga nogacuna rasunpami juchayoj cä. Chayno caycarga ñaupayquicho goyänäpis manami camacanchu.»

1 Reyes 19:4

Nircur quiquenga juc junaj goyarpoj chunyajman aywacuran. Nircur jamacuycuran retäma jachapa chaquinman chayllachöna wañucuyta yarpar. Chaymi niran: «¡Tayta Dios, amana cawachimaynachu! ¡Shuntacamayna ari! Nogapis wañucoj taytäcunata gatiytami munä.»

2 Samuel 24:10

Llapan runata sinsuraycachir Davidga «juchatami rurashcä» niran. Chaymi Tayta Diosta mañacur niran: «Fiyupa juchatami rurashcä sinsucherga. Cananga perdunaycallämay ari Tayta Dios. Nogaga upa runanömi rurashcä.»

Job 40:3

Chaura Jobga Tayta Diosta cutichishpan niran:

Lamentaciones 3:29

Wiyacushpan pampaman uysuräcunman. Chayno ruraptenga capaschari allimanpis churanman.

Levítico 13:12

«Chay runapa garancho yurircur rätu mirar chaquipita umancama yur'gaypa yur'gar yagacuriptenga

Job 37:19

«Nogacunata yachachimay imano Tayta Diosta ruwacunäpäpis. Nogacunaga carcaycä chacaycho caycajno yarpayniynajmi.

Ezequiel 16:63

Llapanpita perdunaptë gamga yarpärinquipämi fiyupa mana allicunata rurashayquita. Chayrämi fiyupa pengacunquipaj. Chaypitanaga manami alli-tucunquipänachu. Noga Tayta Diosmi chayno në.› »