Job 27:9 - Tayta Diosninchi Isquirbichishan

⁹ Ima ñacaymanpis chayashpan mañacuptin Payga manami wiyanganachu.

Job 27:9 Referans Kwoze

Jeremías 14:12

May-jina ayunashpan mañacamaptinpis manami yanapäshäpächu. Maychica uywacunata, chaqui micuy ofrendacunata nogapaj apamuptiquipis manami cuyapäshächu. Paycunataga ushacächishaj guërrawan, muchuywan, gueshyawanmi.»

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Proverbios 1:28

«Chay öraga gayacamaptiquipis manami wiyashayquinachu. Ashimarpis manami tarimanquipänachu.

Miqueas 3:4

Gamcunaga juc junaj Tayta Diosta mañacunquipämi. Ichanga pay manami wiyashunquipänachu. Fiyupa mana allita rurashayquicunapitami gamcunapitaga juc-läpa ticracurcongapaj.

Salmos 18:41

Paycuna «yanapämay» nir ruwacuptinpis manami pipis yanapashachu. Tayta Diosta mañacuptinpis manami wiyashachu.

Santiago 4:3

Mañacurpis mañacurcaycanqui shonguyqui yarpashanno manacajcunallacho ushanayquipämi. Chaymi imatapis mana tarinquichu.

Zacarías 7:13

Chaymi në: Imanömi paycuna mana wiyacamashachu noga willapaycaptë, chaynöllami nogapis mana yanapäshächu ruwacur mañacamaptinpis.

Ezequiel 8:18

Chayno rurashanpitami nogapis fiyupa rabyashpä castigashaj. Paycunataga manami cuyapäshächu. May-jina gaparaypa mañacamaptinpis manami wiyashächu.»

Jeremías 11:11

Chaypitami paycunataga fiyupa ñacachishaj. Chay ñacaypitaga manami imanöpapis gueshpengapächu. ‹Salbaycamay› nir mañacamaptinpis manami yanapäshäpächu. Noga Tayta Diosmi chayno në.

Salmos 66:18

Mana allita yarpashpä mañacuptëga Tayta Dios manami wiyamanmanchu caran.

Juan 9:31

Llapanchïmi musyanchi juchasapacunataga Tayta Dios mana yanapashanta. Payta rispitar sirbejcunatami ichanga yanapan.

Lucas 13:25

Wasipa duyñun puncunta wichgacarcamuptin jawacho quëdajcuna cayno nirmi tacangapaj: ‹Tayta, puncuyquita quichapaycallämay› nir. Chaura payga nimushunquipaj: ‹Gamcunataga manami rejsëchu. ¿Piraj, mayraj cacunquipis?› nir.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Proverbios 28:9

Pipis Tayta Diospa layninta cumliyta mana munaj cajtaga mañacuptinpis Tayta Diosga manami yanapangachu.

Salmos 109:7

Demanduchöga quiquinta «juchayoj canqui» nichun. Mañacushanpis cachun quiquinta mana alli chayanallanpaj.

Deuteronomio 1:45

Chayrämi cutircäramur Tayta Diospa ñaupancho wagarayqui. Wagar llaquicuptiquipis Tayta Diosga manami wiyashurayquinachu.

Proverbios 1:27

Manchacushayqui löcu tamyano, disigrasya illajpita löcu wayrano chayashuptiqui, ima ruraytapis mana camäpacur fiyupa llaquicuycaptiquimi cushipäshayquipaj.

Salmos 18:42

Munashäta rurashcä wayra ñuchu allpata apashanno cashancamami. Cällicunacho mitutanömi lluchcarpis ushashcä.