Job 24:2 - Tayta Diosninchi Isquirbichishan

² Fiyu runacunaga chacrapa lindancunatapis witichin. Uywancuna mas achca cananpaj uyshacunatapis suwacun.

Job 24:2 Referans Kwoze

Deuteronomio 19:14

«Tayta Dios goycushunayquipaj caycaj nasyuncho tiyashpayqui bisïnuyquipa lindancunata rispitanqui. Unay famillyayquicuna lindanpaj churashan señalcunata ama witichinquichu.

Proverbios 23:10

Unaypita-pacha jawiraj lindacunataga ama witichinquichu. Wacchacunapa chacranmanpis guechunayquipaj ama yaycunquichu.

Deuteronomio 27:17

« ‹Bisïnunpa chacranta guechuyta munar linda witichej cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Proverbios 22:28

Unay castayquicuna jawishan lindacunataga ama witichinquichu.

Oseas 5:10

«Judá runacunapa mandajnincunaga carcaycan chacrancunapa lindanta masta yapacurcoj runacunanömi. Rabyaycashätami paycunaman chayachishaj aypalla yacutano.

Job 5:5

Murupacushan pogojcunata pishipacajcunami micucarcärin. Cashayoj jachacunapa rurincho caycaptinpis shuntacarcärin. Ima-ayca charashancunatapis lajwaypa lajwar yargajcunana ushacurcun.

Job 1:17

Chay runa manaraj willayta ushaptin jucpis chayamur Jobta willaran: «Quimsa röpa Caldea runacuna yaycaycamur llapanëta magamasha. Nircurmi apacusha camëlluyquicunata. Uywayniquicunatana cuchilluwan wañurgärachisha. Nogallami gueshpimushcä willanäpaj.»

Job 1:15

Chayno caycaptëcunami illajpita chayaraycäramusha Sabeo runacuna. Nircur uywayquicunata gaticusha. Nogacuna caj runacunataga cuchilluwanmi wañurgärachisha. Nogallami gueshpimushcä gamta willanäpaj.»

Job 20:19

Paycunaga ima-aycantapis ushaparcurmi pobricunata garguriran. Mana ñacar jatarachishan wasicunatami duyñu-tucarcäriran.

Job 31:38

«Nogapita jagayar chacräcunapis manami syëluman gayacunchu. Chacrächo camilluncunapis manami llaquicuywan waganchu.