Job 22:6 - Tayta Diosninchi Isquirbichishan

⁶ «Gamga imatapis mana nistaycashpayquimi marca-masiquita ‹rindataraj churay› nej canqui. Röpancunatapis ‹rinda quëdachun› nir galallata gargurej canqui.

Job 22:6 Referans Kwoze

Éxodo 22:26

Guellayniquipaj punchunta rinda churaycuptenga tardi pacha chacaptin cutiycachinquina.

Ezequiel 18:16

Capaschari pitapis mana ñacachinmanchu. Capaschari imata mañacuptinpis rindataga mana charinmanchu. Capaschari pitapis mana suwapanmanchu. Capaschari micuyniynajcunata garanman. Capaschari röpaynaj caycajtana röpata goycunman.

Ezequiel 18:12

Capaschari wacchacunatawan pobricunata ñacachinman. Capaschari waquin cajcunata suwapanman. Capaschari pipis jagan car rinda churashantapis duyñu-tucurcunman. Capaschari mana dios caycaptin Israelcuna ‹diosnë› nishanman yäracunman. Capaschari noga fiyupa melanäcushäta ruranman.

Job 24:3

Wacchapa bürruntapis guechun. Biyüdapa buyintapis rinda charicurcun.

Deuteronomio 24:6

«Pipa tunayninta ni maraynintapis ama rinda charinquichu. Chaycunata chariptiquega agacunanpaj mana captin micunanpäpis manami cangachu.

Amós 2:8

Israelcunaga rindata chararashan röpacunata mashtaycärirmi wegurpan ïdulucunapa ñaupancho rispitar micunanpaj. Multata pägachishan guellaywanmi bïnuta rantin. Nircurmi chayta upyan ‹diosnë› nishancunapa templuncunacho.

Ezequiel 18:7

Manami pitapis ñacachinchu. Manami charicurcunchu jagancuna rindata churashantapis. Manami pitapis suwapanchu. Manami ‹mana canchu› ninchu muchupacajcunatapis. Manami ‹mana canchu› ninchu röpaynajcunatapis.

Job 24:7

Chacaycunaga puñurpis waran imawanpis mana pitucuyllapami, imawanpis mana gatacuyllapa.

Job 29:12

Chaynöga parlaj wacchacunata, pobricunata, pipis mana yanapashan runacunata yanapanyaptëmi.