Job 20:12 - Tayta Diosninchi Isquirbichishan

¹² «Mana allita rurashancuna shimicho mishqui caycaj-japuy captinpis, gallun ruricho caycaj-japuy captinpis,

Job 20:12 Referans Kwoze

Salmos 10:7

Paycunaga manacajcunatami llullacun, engañacunmi, ashllicunmi. Shimi puncullanchömi caycan pitapis imatapis ninanpaj.

Eclesiastés 11:9

Jipash-mösucuna, cushicur caway timpuyquicho cashayquicama. Gustuyquita ruray callpayquicho cashayquicama. Shonguyqui munashanta, ricashayquita ruray. Ichanga yarpay: llapanpitapis Tayta Diosga jusgashunquipämi.

Job 15:16

Chayno caycaptenga runaga piyur-rächari, mana alli melanaypaj caycarga, yacunaycajnöraj jucha rurayta ashiycarga.

Proverbios 20:17

Runapäga capas fiyupa mishquin engañaypa tarishan micuy. Chaypita unayllataga ricacun amuy aguta micushannöllami.

Génesis 3:6

Chay yörapa wayuynin munapaypaj caycajta ricar warmi fiyupa munaparan. Yachaj tantiyaj cayta munashpan yörapa wayuyninta pallarcur micuran. Nircur runantapis macyaran paypis micunanpaj. Chaura runanpis micuran.

2 Samuel 11:12

Chaura David niran: «Canan junäga goyäshunraj. Warami ichanga cutinquina.» Chaynöpami Uriasga Jerusalencho goyaran warannin junajcama.

Proverbios 19:28

Alman ranticojcunaga juezpitapis asicunmi. Fiyu runacunaga shimin tarishantami riman.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.