Job 2:12 - Tayta Diosninchi Isquirbichishan

¹² Chayar Jobtaga cäsi mana rejsirannapischu. Jinan öra gaparaypa wagayta gallaycäriran. Fiyupa llaquicushpan paycunapis röpancunata rachiran. Allpata janajpa machir umancunamanpis wiñacuran.

Job 2:12 Referans Kwoze

Ezequiel 27:30

Paycunaga fiyupa callpaypami gaparpanga. Rabyawan fiyupa llaquicushpanmi gampaj waganga. Umancunaman allpata wiñaconga. Uchpachöpis gochpanga.

Lamentaciones 2:10

Cuyayllapaj Sión siudächo caj rispitädu auquincunapis upällallami pampacho jamarpaycan. Llaquicurmi umancunaman allpata wiñacurcaycan, gachga röpacunata jaticurcaycan. Jerusalén jipashcunaga pengay-tucushpanmi uysurpaycan.

Nehemías 9:1

Chay ganchis quillalla ishcay chunca chuscu (24) junajnincho Israelcuna yapay shuntacaran ayunananpaj. Gachga röpacunata jaticuran. Umancunamanpis allpata wiñacuran.

Job 1:20

Chaura Jobga fiyupa llaquicushpan ichircur jatiraycashan röpanta rachiriran. Ajchantapis ruturiran. Nircur Tayta Diosta adurashpan gongurpacur umpuran.

Josué 7:6

Chaura Josuëpis, rispitädu mayurcunapis llaquicuypita röpancunata rachiran. Umancunamanpis ñuchu allpata wiñacuran. Tayta Diospa babulnin caycashanpa ñaupanman gongurpacur urcuncunapis pampaman töpasha umpuraran pacha chacänancama.

Apocalipsis 18:19

Nircorga fiyupa wagar gapararmi allpatapis umanman wiñacur nenga: «¡Ay jatuncaray siudä! Chaychömi büquiyojcuna nigusyunta ranticur llapanpis rïcuyasha. Cananga illajpitachaj juc rätulla ushacäcusha.»

Job 19:14

Nogapaga manami pïnëpis canchu. Amïgöcunapis cachaycamashami.

Ester 4:1

Mardoqueoga imano cananpaj cashantapis musyaycur fiyupa llaquicur röpancunatapis rachiran; gachga röpacunatana jaticuran; umanmanpis uchpata wiñacuran. Llaquicur wagashpan gaparaycar intëru Susa siudäpa puriran.

2 Samuel 13:36

Parlayta usharishallantana raypa wamrancunaga chayaran. Nircur llapan gaparaypa wagayta gallaycäriran. Chaura raypis llapan uywaynincunapis fiyupa wagaran.

1 Samuel 30:4

Chaura llapan wagayman churacaran. Fiyupa wagaran callpanpis ushacashancama.

1 Samuel 11:4

Chaypitanaga cachacuna chayaran Saúl tiyaycashan Gabaa partiman. Runacunata willaran Amón runacuna imano nishantapis. Chaura llapan runacuna llaquicuypita fiyupa wagaran.

Jueces 2:4

Chayno Tayta Diospa anjilnin parlayta usharcuptin Israelcunaga fiyupa wagaran.

Génesis 27:34

Chayno papänin nishanta wiyaycur Esaüga fiyupa wagar gapararan. Llaquicur niran: «¡Papä, nogatapis bindisyunta gomay ari!» nir.

1 Samuel 4:12

Benjamín trïbupita caj suldäru pillyapita jucnaylla gueshpiran. Payga chay junajlla chayaran Silo marcaman. Llaquicuywan röpanpis pasaypa rachir-ushasha, umanpis allpalla chayaran.

Esdras 9:3

Chayno nimashanta wiyaycur llaquicur röpäta rachirä, ajchäta shaprätapis achur usharä. Nircur fiyupa llaquisha jamacuycurä.