Job 19:5 - Tayta Diosninchi Isquirbichishan

⁵ Gamcunaga nogapita mas alli cashayquitami yarpaycanqui. Chaymi nogataga ‹juchayquipitami ñacaycanqui› niycämanqui.

Job 19:5 Referans Kwoze

Salmos 55:12

Conträ achäquita ashipämaptenga awantacömanmi. Chiquimaj conträ jatariptinpis gueshpicömanmi.

Salmos 38:16

Ichanga ruwacushayqui Tayta: Tuniptë-imaga ama camacächiychu nogata asipämänanta.

Salmos 35:26

Mana alliman chayashäpita cushicurcaycajcunaga pengaycho ricacuchun. Nogapita mas alli-tucojcunaga fiyupa pengaycho cachun.

Juan 9:34

Chaura mandaj Israelcuna niran: «¡Gamga yurishcanquipis juchasapallami! ¿Chayno caycarchi nogacunataga yachachimaytaraj munanqui?» Chayno nirmi sinagogapita garguran.

Juan 9:2

Chaymi disïpuluncuna Jesusta tapuran: «Maestru, ¿imanirtaj cay runa gapra yurisha? ¿Mamanpa taytanpa juchanpitachu, u quiquinpa juchanpitachu?» nir.

Lucas 1:25

Cushicushpan niran: «Ima allishi Tayta Dios yanapämasha wawata tarinäpaj. Cananga manami pipis manacajman churamanganachu.»

Zacarías 12:7

Nogaga rimëru salbashäpaj waquin Judá runacunatami. Chaynöpami mana camacächishächu Davidpita mirajcuna mas alli-tucunanta. Chaura Jerusalén runacunapis manami alli chölu-tuconganachu Judäpa siudänincunacho tiyajcunapita masga.

Sofonías 2:10

Moab runacunawan Amón runacunaga chaynömi päguta chasquengapaj Tayta Dios acrashan runacunata ashllishanpita, munayniyoj-tucushanpita.

Miqueas 7:8

Israelcuna cayno nin: «Nogacunata chiquimaj nasyun runacuna, mana allicho caycajta ricamar ama cushipämaychu. Mana alliman chayasha, tunisha caycarpis jatarishämi. Intëröpami yanauyaycaj chacay caycan. Ichanga Tayta Diosmi achicyajman apamanga.

Isaías 4:1

Chay wichanga ollgu runacuna wallcajllanami quëdanga. Chaymi ganchis warmicuna juc runallata guechunaconga. Runatana nengapaj: «Nogacunaga quiquëpa micuynëcunawanmi cawacushaj. Röpäcunatapis quiquëcunami ruracushaj. Gam ichanga auniycamay ari ‹paypami cä› ninäcunapaj. Chaynöpami nogacunataga mana jamurpämangachu.»

Salmos 41:11

Chaynöpami nogaga musyashaj gampaj alli caycashäta. Chiquimajcunapis manami cushiconganachu «Binsishcä» nir.

Nehemías 1:3

Chaura paycuna willamaran: «Prësu apamunanpita quëdamojcunaga intëru probinsyacho fiyupa pengaypämi ñacarcaycan. Jerusalenpapis intëru curralninmi juchusha caycan. Puncuncunapis rupashami caycan» nir.

1 Samuel 1:6

Chaypitami Peninaga Anata chiquej. Asipaj, manacajman churaj wawata mana tarinanpaj Tayta Dios camacächishanpita.

Job 19:4

Juchayoj cashpäpis quiquëchari imanöpis cacushaj.

Salmos 55:13

Ichanga gammi amïgö caycar, iwal purej caycaptinchi chayno ruramashcanqui.