Job 16:16 - Tayta Diosninchi Isquirbichishan

¹⁶ Wagaycaptillämi gaglläpis jacacurcusha. Ñawëpis pucayacäcusha.

Job 16:16 Referans Kwoze

Marcos 14:34

Chaycho Jesús niran: «Fiyupami llaquicuy chayamasha. Wañuyga janächönami. Ricchar cayllacho shuyarpaycämay.»

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Isaías 52:14

Paypa cäran imano caycajtapis ricar achcajmi fiyupa manchacuran. Cäran caycaran mana camaraj. Manami runa-nirajnachu caran.

Salmos 102:9

Tantapa ruquin uchpallatami acuycäpis. Upuycashä yacumanpis weguëmi jutuycan.

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Salmos 32:3

Jucha rurashäta amuräcushäcamaga goyarpoj wagaycaptilläna cuerpöpis pasaypana gotucaycasha.

Salmos 31:9

Tayta Dios cuyapaycamay ari. Fiyupami llaquicuycä. Llaquicur wagaycällarnami mana ricänapischu. Intëru cuerpömi pasaypa nanapäcuycan. Shongöpis fiyupami ushaycan.

Job 17:7

Nanächicuycaptillämi ñawëpis chacaycanna. Cuerpöpis llantuynöllanami ushacaycan.

Salmos 116:3

Wañuyga pasaypanami tumapaycämaran. Chaymi wañuytaga manchacurä. Fiyupami llaquicurä.

Job 16:20

Amïgöcunaga manacajmanmi churaman. Nogami ichanga Tayta Diosta mañacur wagä.

Job 24:17

Paycunapäga junaj caycan fiyupa yanauyaycaj chacaymi. Paycunaga munarcaycan chacaycho manchacuypaj cajcunallatami.