Job 14:1 - Tayta Diosninchi Isquirbichishan

¹ «Runaga wallca watallami cawan. Fiyupa ñacallarmi goyan.

Job 14:1 Referans Kwoze

Job 5:7

Ninapita chispa pintishanno, quiquin runami ñacananpäpis juchayoj.

Eclesiastés 2:23

Fiyupa yarpachacullarmi goyan. Rurashancuna fiyupa sasallami. Puñurpis yarpachacuytaga manami jamaycunchu. Chaycunaga llapanpis yangallami caycan.

Job 25:4

Runaga ¿imanöpataj Tayta Diospa ñaupancho juchaynaj canga? Warmipa wawanga ¿imanöpataj limyu canga?

Job 7:1

«Cay pachacho runaga rätullami cawan. Arupacoj runa juc junaj arupacushannöllami goyan.

Génesis 47:9

Chaura Jacobga niran: «Pachac quimsa chuncan (130) watayojnami caycä tayta. Juc-lächo juc-lächo purir wallcallatami cawashcä; ñacallarmi goyashcä. Ichanga chachäcuna cawashan wataman manami chayärächu.»

Mateo 11:11

«Sumaj tantiyacuy-llapa. Ni pï runapis Juanmanga manami tincushachu. Chaypis Tayta Diospa maquincho cawajcunamanmi ichanga Juanpis mana tincunchu.

Salmos 51:5

Mamäpa pachancho cashäpita-pachami juchasapa caycä. Yurishäpita-pachapis juchasapallami caycä.

Job 15:14

«¿Runaga ‹limyumi cä› ninmanchuraj? ¿Runaga juchaynaj canmanchuraj?

Job 9:25

«Cuytipitapis mas rätumi watäcunaga päsarisha. Cushicuytapis manami tarishcächu.

Job 7:6

Caway-bïdäga päsarin tilar awajcuna lansadërata jitashannöllami. Waquenga yarpashancunata manaraj tarirmi aywacunpis.

Eclesiastés 2:17

Chaymi caway bïdapäga fiyupa rabyashcä. Cay pachacho ima rurashäpis casha melanäcushallämi. Rasunpaga llapanpis yangallami. Wayrata chariyta munajnöllami caycanchi.

Salmos 39:5

Nogataga cawaycächimanqui wallca diyallami. Nogapa cawaynëga gampaj manami aycäpischu. Pï-maypis cawan jämayta cachaynöllami. Selah

Génesis 3:17

Chaypita runatana niran: «Warmiqui nishushayquita wiyashayquipitami, yörapa wayuyninta mana micunayquipaj nishäta micushayquipitami cananga cay pacha maldisyunädu canga. Chaypitami cawashayquicamaga waran-waran fiyupa ñacar chacracho arunqui micuyniqui cananpaj.

Job 10:20

Noga wallca timpulla cawanäpaj caycaptëga ama ñacachimaynachu ari. Rätullapis cachaycamay ari cushisha goyapärinäpaj.

Salmos 89:47

Tayta Dios, yarpäriy ari noga päsacojlla cashäta. Runacunaga yupasha watallami cawä.

Jeremías 20:18

Cay-jina nanaywan llaquicuyllawan goyänäpaj ¡imapäraj yuriräpis mamäpa pachanpita! ¡Imapäraj yuriräpis pasaypa pengayllacho canäpaj!

2 Reyes 4:19

Chaycho caycashancho papäninta niran: «¡Ay umallau! ¡umämi fiyupa nanan!» nir. Chaura wamrapa papänenga juc uywayninta niran: «Maman cajman cutiraycachiy.»

Job 8:9

Noganchëga ganyanllarämi yurishcanchïpis. Manami imatapis musyanchïchu. Llantuy päsarejnöllami päsarinchïpis.

Job 25:5

Tayta Diospa achicyayninmanga quillapa achicyayninpis manami tincunchu. Pay limyu cashanmanga goyllar limyu cashanpis manami tincunchu.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.