Job 12:16 - Tayta Diosninchi Isquirbichishan

¹⁶ Payga munayniyojmi sumaj yachajmi. Tayta Diospa munayninchömi caycan engañacojcunapis engañasha cajcunapis.

Job 12:16 Referans Kwoze

Ezequiel 14:9

« ‹Juc profëta, mana rasun cajta willacuptenga noga Tayta Dios chayno camacächisha captëmi canga. Chauraga nogami chay profëtata castigar illgächishaj acrashä Israel runacunapita.

Job 13:9

Ichanga ¿imaraj canga Tayta Diosninchi taripashuptiqui? ¿Runata riguichejnöchuraj paytapis riguichinqui?

Mateo 6:13

Jucha rurayman Satanás chayachimänanpitapis chapaycallämay ari. Masbin nogacunata yanapaycallämay juchaman mana chayayllapa cawanäcunapaj. [Gampa maquiquichömi ima-aycapis caycan. Chaymi imaycamapis alabasha caycullay Tayta. Amén.]

Job 13:7

¿Llullacushayquiwanchi Diospa faburnin cayta yarpaycanqui? ¿Llullacur rimashayquiwanchi Diospaj allita rimaycashayquita yarpanqui?

Job 12:13

«Tayta Diosmi ichanga yachaj, munayniyoj. Payga imata rurananpäpis sumajmi camacächin.

Daniel 2:20

cayno nishpan: «Tayta Diosga imaycamapis alabasha cachun. Payllami musyaj-yachäga munayniyöga.

Job 32:8

Ichanga Tayta Diospa Espiritunmi runataga yarpayniyoj cananpaj yanapan. Munayniyoj Tayta Diosmi pücashpan yanapan tantiyaj cananpaj.

Proverbios 2:6

Tayta Diosllami yachaytapis yachachimanchi. Payllami tantiyachimanchïpis, yarpaysapayächimanchïpis.

Isaías 31:2

Tayta Diosga fiyupa yarpaysapami. Chaymi musyan imanöpa disigrasyata chayachiytapis. Imano rurananpäpis nishantaga simrimi cumplin. Fiyu runacunataga castigangami. Mana allita rurajcunata yanapajcunatapis castigangami.