Job 11:6 - Tayta Diosninchi Isquirbichishan

⁶ Payga tantiyachishunquimanmi imano yachay cashantapis. Chay yachaycuna noganchïpäga mana tantiyaypämi. Chayrämi musyanquiman jucha rurashayquiman-tupu Tayta Dios mana castigashushayquita.

Job 11:6 Referans Kwoze

Esdras 9:13

«Nogacunataga manami castigamashcanquichu juchata rurashämannöga. Chaypa ruquenga wallcajllapis cayman cutimunäpämi camacächishcanqui.

Lamentaciones 3:22

Tayta Dios cuyacoj cashanga manami imaypis ushacanchu. Cuyapäcoj cayninpis manami ushacanchu.

Efesios 3:5

Chaytaga Tayta Dios manami pitapis unay musyachiranchu. Cananmi ichanga apostulcunata, profëtacunatapis Espíritu Santuwan Tayta Dios musyachisha.

Mateo 13:35

Chayno Jesús willacuptinmi cumliran Tayta Diospa profëtan cayno willacushan: «Imamanpis tincuchiypami runacunata willapäshaj. Mundu ruracashanpita-pacha mana pipis tantiyashantami willapäshaj.»

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Job 15:8

¿Diosta pacayllapa tantiyachejchu canqui? ¿Gamllachu cay munduchöga llapantapis mas yachanqui?

Daniel 2:47

Nircur Danielta niran: «Gamcunapa Diosniquimi ichanga llapan dioscunapitapis mas munayniyoj. Paymi raycunapa mandajnin, mana pipis musyashancunata musyachicoj. Chaymi gamtapis musyachishurayqui pipis mana musyashan suyñöta.»

Salmos 25:14

Tayta Diosga rispitajcunapa amïgunmi. Parlacur aunishantapis musyachinmi.

Job 15:11

¿Gampäga manachu alli caycan quiquin Tayta Dios shogashushallayqui, alli shimillanpa willapäshushayqui?

Job 15:5

Llutan yarpayniquimi mana allita rimachishunqui. Chaymi yachaj-tucoj runano gampis rimaycanqui.

Job 9:4

Tayta Diosga fiyupa yachajmi, munayniyojmi. ¿Piraj payta ichipar allicho quëdanman?

Deuteronomio 29:29

«Imatapis mana musyashanchi cajtaga quiquin Tayta Diosnillanchïmi musyan. Canan wiyashanchi mandamintuncunata, laynincunatami ichanga musyachimashcanchi noganchi wamranchïcuna imaypis cumlinanchïpaj.

Salmos 103:10

Manami castigamanchïchu juchata rurashanchïmannöga, mana allita rurashanchïmannöpis.

Job 28:28

Nircur runacunata Tayta Dios niran: ‹Yachaj runaga Nogallatami rispitaman. Mana allita rurananpitaga manchapacuypami cawan.› »

Job 11:5

¡Ima alliraj canman Tayta Dios llapanta musyachishuptiqui!

Job 12:13

«Tayta Diosmi ichanga yachaj, munayniyoj. Payga imata rurananpäpis sumajmi camacächin.

Job 22:5

Chaypa ruquenga castigaycäshunqui mana allita rurashayquipitami, mana atipaypaj juchata rurashayquipitami.

Job 33:12

«Gam chayno rimashayquega manami rasunpachu. Diosga llapan runacunapitapis mas munayniyojmi.