Job 11:13 - Tayta Diosninchi Isquirbichishan

¹³ «Llapantapis allillatana ruray. Nircur ruwacushpayqui Tayta Diosta mañacuy.

Job 11:13 Referans Kwoze

Salmos 143:6

Gam cajmanmi macyaraycämö. Gamtaga shuyaraycä chaqui allpa yacunaycajnömi. Selah

Salmos 88:9

Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.

Salmos 78:8

Chaura unay caj awilunchïcuna mana wiyacoj, mana tantiyaj cashannöga mananami cashunnachu. Awilunchïcunaga caran Tayta Diosman mana yäracojmi; Tayta Dios munashancunataga mana ruraj runacunami.

1 Samuel 7:3

Chaymi Israelcunata Samuelga niran: «Gamcuna llapan shonguyquipa Tayta Diosman yapay yäracushpayqui juc-lä nasyuncunapa ïduluncunata, Astoret diosa-niraj ïdulucunata jitariy. Tayta Dios munashannöllana caway. Payllatana aduray. Chaura payga Filistea runacunapa munayninpita salbashunquipämi.»

Lucas 12:47

«Patrunnin nishanta musyaycar mana wiyacuypa llutanta ruraj uywaytaga fiyupami castiganga.

Salmos 68:31

Egiptupitami shamonga faraonpa cachancuna. Etiopiacunami Tayta Diosta alabanga.

Job 5:8

«Gamno cashpäga Tayta Diostami ruwacöman. Paypa maquinmanmi dimandöta churäman.

2 Crónicas 19:3

Imano captinpis alli rurashayquicuna caycanmi. Asera diosa-niraj ïdulucunata cay nasyuncho cajta illgächishcanqui. Tayta Diosmanpis yäracushcanquimi.»

2 Crónicas 12:14

Roboamga Tayta Dios nishanta mana wiyacur manami pay munashannöchu cawaran.

Job 5:17

«Cushisha cachun Tayta Dios corrijishan runaga. Ima-aycapäpis munayniyoj Tayta Dios corrijishushayquitaga wiyacuy.

Job 15:12

¿Imanirtaj shonguyqui munashanta ruraycanqui? ¿Imanirtaj ñawiquipis saltanaypa saltanaycan?

Job 22:23

Tayta Diosman yapay yäracuptiqui, mana alli ruraycunata manana ruraptiqui,

Job 22:27

Imata mañacuptiquipis wiyashunquipaj. Imatapis aunishayquita gampis cumlinquipaj.

Salmos 77:2

Llaquisha caycashä öra Tayta Diosta mañacö. Chacaycuna mañacushpä mana jamaypami maquëcunata jogarirä. Chayno mañacuptëpis manami cushicachimannachu.

Éxodo 9:29

Chayno niptin Moisés niran: «Cay siudäpita llojshicushä örami Tayta Diosta mañacushpä maquëta jogarishaj. Chauraga jinan örami räyupis runtu tamyapis chawanga. Chaynöpami musyanquipaj cay pachaga Tayta Diospa maquincho caycashanta.

Lamentaciones 3:41

Syëlucho caycaj Tayta Diostaga llapan shongunchïwan, maquinchïta chojpacur mañacushun.