Jeremías 9:4 - Tayta Diosninchi Isquirbichishan

⁴ Amïgumanpis ama yäracuynachu. Ni wauguiquimanpis ama yäracuynachu. Amïgunwanpis llullapänacur lebantanacunmi. Chay wauguilla caycarpis engañanacunmi.

Jeremías 9:4 Referans Kwoze

Jeremías 6:28

Paycunaga llapanpis mana wiyacoj runacunami; willapista, washa rima runacunami. Runsino fyërrunömi carcaycan.

Mateo 10:21

«Noga-janan chiquirmi wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachengapaj wañuchinanpaj.

Levítico 19:16

Marcayquicho ama purinquichu runapa washanta rimar. Runa-masiquita wañuchinanpaj ama jitapanquichu. Noga Tayta Diosniquimi chayno në.

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Proverbios 25:18

Llullacur runa-masinpa contran rimäga mana alli runami. Chay-niraj runaga mäsunömi, espädanömi, llauchi-punta lëchanömi malubracun.

Proverbios 10:18

Llulla carmi chiqui cashanta mana musyacächinchu. Upa mana tantiyacöga washa-rima carmi cuentullata purichin.

Salmos 15:3

pipa washantapis mana rimajllami, runa-masin mana alliman chayananta mana ashej cajllami, bisïnuncunata imatapis mana nejllami,

Génesis 32:28

Chay runanami niran: «Cananpitaga manami Jacobnachu jutiqui canga. Jutiquega canga Israel. Chayno jutiqui canga Dioswanpis, runacunawanpis pillyar llapanta binsishayquipitami» nir.

1 Tesalonicenses 4:6

Ollgupis jucpa warminwanga y warmipis jucpa runanwanga ama cacuchunchu. Chaynöga ermänu-masiquita ama engañaychu. Gamcunata willashcänami chayno goyajcunataga Tayta Dios mana cuyapaypa castïguman gaycunanpaj cashanta.

Lucas 21:16

Gamcunapa contrayquimi ricaconga mamayqui taytayqui, wauguiqui, castayquicuna, rejsinacushayquicunapis. Chayno contrayqui carmi waquinniquitaga wañuchishunquipaj.

Mateo 10:17

Pï runapitapis alcäbu cacunqui. Chiquishojcunaga prësu charircur autoridäcunamanmi apashunquipaj. Sinagogacunachöpis astishunquipaj.

Ezequiel 22:9

Waquin runacunaga llullacushpanmi waquin wañunanpaj juchayoj caycan. Puytush lömacunacho ïdulucunapaj micuyta rurar fistata rurarcaycanqui. Fiyupa melanaypajcunatami ruranqui:

Proverbios 6:19

llullacur jucpa contran declarajcunata, castanwan pillyananpaj inrïduta rurajcunata.

Proverbios 6:16

Sojta castata, asta ganchis castatami Tayta Diosga fiyupa melanäcun:

Salmos 101:5

Bisïnunpa washanta pacayllapa parlaycajta nogaga piñacushämi. Manami awantächu ollgojcunatawan alli-tucojcunataga.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Jeremías 9:8

Paycunapaga rimashancunapis wañuchicoj lëchanörämi. Engañacullarmi purircaycan. Janan shongullami amïguncunatapis alli parlapan. Shongullanchöga mana alliman jitarpunanpämi yarpapaycan.

Malaquías 2:10

¿Manachu llapanchïpapis jucnaylla caycan taytanchëga? ¿Manachu llapanchïtapis camamashcanchi juc Dioslla? Chayno caycaptenga ¿imanirtaj jucninchi-jucninchïpis llullapänacunchi? Chayno rurarga manami cumliycanchïchu unay caj awilunchïcunawan Tayta Dios conträtu rurashanta.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Proverbios 4:17

Paycunaga mishquilla micuycaj-nirajmi mana allita ruran. Mishquilla upuycaj-nirajmi wañuchicun.

Isaías 9:16

Chay mandajcunaga engañacojcunami. Tantiyachinanta munajcunapis pantacashami carcaycan.