Jeremías 9:19 - Tayta Diosninchi Isquirbichishan

¹⁹ Sionpita-pacha wiyacämun nanaywan cayno gaparpashanpis: «¡Fiyupa cuyapaypämi llapanchïpis mana alli quëdashcanchi! ¡Fiyupa pengaypämi carcaycanchi! Cananga nasyunninchïta cachaycärirchari aywacushun. Wasinchïcunapis juchushami caycan.»

Jeremías 9:19 Referans Kwoze

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Deuteronomio 28:29

Gaprayasha carmi junajpapis chacaypano lamcaycachar purinquipaj. Ima rurashayquipis yangallami canga. Waran waranmi engañashunquipaj, ñacachishunquipaj. Pipis faburniqui mana captinmi suwacuna imayquitapis apaconga.

Miqueas 2:10

Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.

Miqueas 2:4

Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Lamentaciones 5:2

Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Lamentaciones 4:15

«¡Witicuy-llapa! ¡Chaycunaga ganra runacunami caycan!» nir gayarpan. «Guella puricachaj runacunami. Amana caychöga tiyachunnachu» ninmi Diosta mana rispitajcunaga.

Jeremías 4:20

Yapay-yapaymi mana allicuna chayaycämun. Nasyuncunapis llapanmi ushacashana. Pachacunäpaj ichichishä toldöcunatapis illajpitami illgarachisha.

Jeremías 2:14

«¿Israel runacunaga uyway runacunachu? Paycunaga ¿uyway ñacaj cananpächu yurisha? Chauraga ¿imanirtaj ima-aycantapis suwapaycan?

Levítico 20:22

«Laynëcunata, willapashäcunata ushajpaj cumliy. Chaura gamcunataga chayachinäpaj caycaj nasyunpita manami jitarishayquipächu.

Levítico 18:28

¡Gamcunatapis chay nasyunpita gargurëmanmi ganracunata ruraptiquega! Unaypis jinan runacuna ganracunata rurashanpitami gargushcä.

Levítico 18:25

Chayno ganracunata rurashanpitami nasyunninpis ganrana ricacusha. Chaymi jusgar marcanpitapis llapanta gargushcä.

Jeremías 7:15

Ichanga famillyayqui Efraín trïbu runacunata ñaupata gargushänömi gamcunatapis ñaupäpita gargushayqui.›

Jeremías 7:19

Chay rurashancunawan ¿Nogatachuraj rabyachiman? ¡Manami! Chaypa ruquin quiquincunami mana alliman chayashpan pengaycho cangapaj. Noga Tayta Diosmi chayno në.

Jeremías 7:29

Jerusalén, gamcunapäga Tayta Dios fiyupa rabyashami caycan. Cachaycushurayquinami. Manami ricaytapis munashunquinachu. Chaymi ajchayquita ruturir jitariy. Chunyaj jirca lömacunacho llaquicuypajcunata cantay.› »

Jeremías 15:1

Tayta Dios nimaran: «Jeremías, Israelcuna aywacunanpaj willay. Amana nogapa ricanächöga tiyachunnachu. Paycunataga manami perdunänachu. Ni Moiseswan Samuel shamushpan ruwamaptinpis manami perdunashänachu.

Isaías 32:9

Imapäpis mana yarpachacoj warmicuna canan nishäta sumaj wiyacuy. Imanöpis caycashallayquiman yarparajcuna canan nishäta sumaj tantiyacuy.

Ezequiel 27:2

«Runa, Tiro siudäpaj cantay wañushapaj llaquicur cantanata. Chay siudämi caycan lamar cantuncho. Chay siudämanmi chayan may nasyunpita aywarpis, lamar cantuncho tiyajcunapis. Chaychömi ranticunacurcaycan ima nigusyuncunatapis. Noga Tayta Dios nishäta cayno ninqui: « ‹Tiro, gamga yarpanqui «Llapanpitapis mas cuyayllapaj büquimi cä» nir.