Jeremías 9:15 - Tayta Diosninchi Isquirbichishan

¹⁵ Chaypitami micuynincunata ticrachishaj fiyupa ashgajman. Yacutapis bininashatami upuchishaj.

Jeremías 9:15 Referans Kwoze

Jeremías 8:14

«Runacunanami nenga: « ‹¿Imanirtaj cayllachöga carcaycanchi? ¡Llapanchi juclla aywacushun curalasha caycaj siudäcunaman chaycho wañunanchïpaj! Tayta Diosninchïmi wañunanchïpaj camacächisha. Juchata rurashanchïpitami wañunanchïpaj bininasha yacuta upuchimashcanchi.

Lamentaciones 3:15

Tayta Diosga fiyupa llaquicuyllamanmi churamasha. Ashgaj berbënatami upuchimashapis.

Salmos 80:5

Chay-jina wagayllawan weguillätanami upuycäpis. Pasaypa wagashä weguillänami yacöpis.

Jeremías 23:15

Chayno cashanpitami noga munayniyoj Tayta Diosga llapan profëtacunapaj në: «Jerusalencho caj profëtacunapitami nasyun intëruchöpis yachacusha. Chaypitami paycunataga fiyupa ashgajta garaj-aywä. Bininasha yacutami upuchej-aywä.»

Apocalipsis 8:11

Goyllarpa jutenga caran Ashgaj. Chaymi cay pachacho waquin yacu ashgaj ricacuran. Ashgaj yacuta upur achcaj runacunami wañuran.

Lamentaciones 3:19

Yarpämi llaquicushäta, ñacashäta, japallä goyashätapis.

Jeremías 25:15

Israelcunapa Tayta Diosninmi nimaran: «Masqui ricay, noga rabyasha caycashäga caycan cay cöpacho junta bïnu caycajnömi. Cay bïnuyoj cöpata chasquimay. Nircur cachashä cajpa aywashpayqui chayashayqui nasyuncunachöga llapan runata upuchinqui.

Isaías 2:22

Runacunamanga amana yäracuynachu. Runaga manami aycäpis bälinchu. Runaga cawanpis jämayta cacharcuynöllami.

Isaías 2:17

Alli-tucojcunawan ollgojcunaga pasaypa manacajman churashami cangapaj. Chay junäga Tayta Diosllami fiyupa munayniyoj cashpan rispitasha canga.

Salmos 75:8

Tayta Diosga jusgar castigananpaj cöpan aptashami caycan. Fiyupa pogusha bïnutanömi chararaycan. Chay cöpata jicharamuptin cay pachacho caj juchasapacunaga gonchuntintami upucarcärenga.

Salmos 69:21

Ichanga micuynëmanmi benënuta wiñasha. Yacunaptëpis binagritami upuchimasha.

Salmos 60:3

Nogacunataga ñacaymanmi chayachimashcanqui. Castïgu bïnuta upuchimashayquipitami ñacaycäcuna.

Deuteronomio 29:18

Gamcunami ichanga ollgupis warmipis Tayta Diosta ama gonganquichu. Chay nasyuncunacho caj dioscunata ama aduranquichu. Chaycunata adurar Israel-masiquicunapäga canquipaj benënuyoj ashgaj jachanömi.

Deuteronomio 28:36

«Tayta Diosmi camacächenga gamcunapis ni papäniquicunapis mana rejsishan nasyunman raynintinta prësu apashunayquipaj. Chaychöga rumipita, guerupita rurasha dioscunatami aduranquipaj.

Jeremías 24:10

Paycunamanga chayachishaj guërratami. Camacächishaj muchuycho cananpämi, fiyu gueshyawan wañunanpämi. Chayno ñacaycällarmi unay caj awiluncunatawan paycunata goycushä nasyunchöga ushajpaj ushacanga.»

Jeremías 44:27

Nogaga paycunata ricaycäshaj castiganäpämi; manami yanapänäpänachu. Egiptucho tiyaycaj Judá runacunaga llapanmi guërrawan, yargaywan wañonga.

Jeremías 49:37

Contrancunapa ñaupanchömi Elamcunaga manchariywan sicsicyarcaycanga. Paycunamanga mana allicunatami chayachishaj. Paycunapaj rabyasha caycashäpitapis chayrämi allchacäshaj. Ushajpaj illgächinäpämi guërrawan wañuchichishaj. Noga Tayta Diosmi chayno në.

Ezequiel 5:2

Atacayta ushaycorga juc partiman raquishayqui caj ajchayquita siudäpa chaupincho rupachinqui. Yapay juc partiman raquishayqui cajtana siudäpa wajtanpa acapa-acapa cuchuraycar tumachinqui. Yapay juc parti puchoj cajtana janajpa jitarir machirinqui. Chay siudächo tiyaj runacunataga nogami espädäta aptacurcur gaticachäshaj.

Ezequiel 5:12

Gamcuna quimsaman raquisha caycajpita juc partimi jinan siudächo wañonga fiyu gueshyawan, yargaywan. Yapay juc parti cajtanami contrancuna quiquin siudä ñaupancunacho wañuchenga. Yapay juc parti cajtanami machiypa-machir intëruman mashtarishaj. Paycunataga espädäta aptacurcurmi gaticachäshaj.